മലപ്പുറത്ത് നിന്നും നെടുമ്പാശ്ശേരി എയര്പോര്ട്ടിലേക്ക് കെഎസ്ആര്ടിസി ബസുകള്
Tue, 22 Sep 2026
ടെഹ്റാന്: യുഎസ് ഉപരോധങ്ങള്ക്കിടയിലും ഇറാനില് ആവശ്യത്തിന് വിദേശനാണയമുണ്ടെന്ന് സെന്ട്രല് ബാങ്ക്. അമേരിക്കന് ഉപരോധങ്ങളും സാമ്പത്തിക സമ്മര്ദവും തുടരുന്നതിനിടെ ഇറാനില് ആവശ്യത്തിന് വിദേശനാണയ ശേഖരമുണ്ടെന്ന് സെന്ട്രല് ബാങ്ക് ഗവര്ണര് അബ്ദുല്നാസര് ഹെമ്മാതി പറഞ്ഞു. ഇറാന് സാമ്പത്തികമായി തകര്ന്നുകൊണ്ടിരിക്കുകയാണെന്ന അമേരിക്കന് വാദത്തിന് മറുപടിയായാണ് അദ്ദേഹത്തിന്റെ പ്രതികരണം.
സമീപകാലത്ത് ഇറാനിയന് കറന്സിയില് ഉണ്ടായ വലിയ ചാഞ്ചാട്ടം നിയന്ത്രിക്കുന്നതിനായി സെന്ട്രല് ബാങ്ക് $2 ബില്യണ് വരെ വിദേശനാണയം വിപണിയില് എത്തിക്കാന് തയ്യാറാണെന്ന് ഹെമ്മാതി പറഞ്ഞു. സെന്ട്രല് ബാങ്ക് വിദേശനാണയ വരുമാനങ്ങള് ശേഖരിക്കുന്നത് തുടരുകയാണെന്നും രാജ്യത്തിനകത്ത് കരുതല് ശേഖരങ്ങളും മറ്റ് വിഭവങ്ങളും ഉണ്ടെന്നും അദ്ദേഹം വ്യക്തമാക്കി. എന്നാല് അവയുടെ വിശദാംശങ്ങള് വെളിപ്പെടുത്താനാകില്ലെന്നും പറഞ്ഞു. അതേസമയം ഇറാനിലെ സാമ്പത്തിക സ്ഥിതിയും ജനങ്ങളുടെ ജീവിതച്ചെലവും ബുദ്ധിമുട്ടിലായെന്ന് ഹെമ്മാതി സമ്മതിച്ചു. എന്നാല് രാജ്യം സാമ്പത്തികമായി തകര്ന്നിട്ടില്ലെന്നും തകരുകയില്ലെന്നും അദ്ദേഹം പറഞ്ഞു. ഇറാന് തകര്ന്നുകൊണ്ടിരിക്കുകയാണെന്ന അവകാശവാദങ്ങള് ‘മാനസിക യുദ്ധത്തിന്റെ ഭാഗമാണ്’ എന്നും അദ്ദേഹം പ്രതികരിച്ചു. അതേസമയം, ഇറാന്റെ കറന്സി ഓഗസ്റ്റില് ചരിത്രത്തിലെ ഏറ്റവും താഴ്ന്ന നിലയിലെത്തി. ഒരു യുഎസ് ഡോളറിന് 2 മില്യണ് റിയാല് എന്ന നിര്ണായക പരിധി കടന്നിരുന്നു. ജൂലൈയിലെ വാര്ഷിക പണപ്പെരുപ്പം 66% ആയിരുന്നു. ഇറാന് സാമ്പത്തികമായി പിന്നോട്ടുപോകുന്നതിനാലാണ് സൈനികമായി തിരിച്ചടിക്കുന്നതെന്ന് അമേരിക്കന് ട്രഷറി സെക്രട്ടറി സ്കോട്ട് ബെസന്റ് തിങ്കളാഴ്ച പറഞ്ഞിരുന്നു. ഇറാനെ സമ്മര്ദത്തിലാക്കാന് വാഷിങ്ടണ് സാമ്പത്തിക ഉപരോധങ്ങള് കൂടുതല് ശക്തമായി ഉപയോഗിക്കുന്നുണ്ട്. ഇറാനുമായി വ്യാപാരം നടത്തുന്ന സ്ഥാപനങ്ങള്ക്കും വ്യക്തികള്ക്കും അമേരിക്കന് ഉപരോധം നേരിടേണ്ടിവരുമെന്ന് ബെസന്റ് മുന്നറിയിപ്പ് നല്കിയിട്ടുണ്ട്.
ഇറാന് സാമ്പത്തിക പ്രതിസന്ധിയിലാണെന്നത് സര്ക്കാര് തന്നെ അംഗീകരിക്കുന്നുണ്ടെങ്കിലും, വിദേശനാണയ ശേഖരം മതിയായതിനാല് സാമ്പത്തിക തകര്ച്ചയുടെ വക്കിലല്ലെന്നാണ് സെന്ട്രല് ബാങ്കിന്റെ നിലപാട്. എന്നാല് റിയാലിന്റെ തകര്ച്ചയും 66% പണപ്പെരുപ്പവും സാധാരണ ജനങ്ങളില് സാമ്പത്തിക സമ്മര്ദം ശക്തമാണ്.
