കോണ്‍ഗ്രസിനെ ഉപദേശിക്കുന്ന മുഖ്യമന്ത്രി സ്വയം കണ്ണാടിയില്‍ നോക്കട്ടെ-വിഡി സതീശന്‍
Thu, 28 Aug 2025
അബുദാബി: യുഎസിലെ വിര്‍ജീനിയ കേന്ദ്രമായി ഇന്റര്‍നാഷണല്‍ കിബുക്കന്‍ അസോസിയേഷന്‍ സംഘടിപ്പിക്കുന്ന 15ാമത് ഇന്റര്‍നാഷണല്‍ കരാട്ടേ സെമിനാറില്‍ പങ്കെടുക്കാന്‍ പ്രവാസി മലയാളിക്ക് ക്ഷണം. കണ്ണൂര്‍ കണ്ണപുരം സ്വദേശി ഷിഹാന്‍ മുഹമ്മദ് ഫായിസാണ് യുഎഇയെ പ്രതിനിധാനം ചെയ്ത് പങ്കെടുക്കുന്നത്. ഓഗസ്റ്റ് ഒന്നു മുതല്‍ നാലു വരെ നടക്കുന്ന സെമിനാറില്‍ ഏഷ്യാ ഭൂഖണ്ഡത്തില്‍ നിന്നും യുഎഇയും ജപ്പാനും മാത്രമാണ് പങ്കെടുക്കുന്നത്. ഈ മാസം 29 നു അബുദാബിയില്‍ നിന്നും ഖത്തര്‍ വഴി അമേരിക്കയിലെ വിര്‍ജിനയിലേക്ക് മുഹമ്മദ് ഫായിസ് യാത്ര തിരിക്കും. ഇന്റര്‍നാഷനല്‍ സെമിനാറില്‍ അതിഥിയായും സെമിനാറില്‍ സെഷനുകള്‍ അവതരിപ്പിച്ചും യുഎഇയെ പ്രതിനിധീകരിച്ച് പങ്കെടുക്കും. ഇത് നാലാം തവണയാണ് ഫായിസ് ഇന്റര്‍ നാഷണല്‍ സെമിനാറില്‍ പങ്കെടുക്കുന്നത്. എങ്കിലും അമേരിക്കയില്‍ ആദ്യമായിട്ടാണ് ഒരു മലയാളി ഇത്തരത്തില്‍ ഒരു സെമിനാറില്‍ പങ്കെടുക്കുന്നത്. യുഎഇയുടെ പ്രതിനിധിയും ടിഎംഎ ഫൗണ്ടറും ചീഫ് എക്സൈമിനറുമായ മുഹമ്മദ് ഫായിസിന് ഇതിനു മുമ്പ് മൂന്ന് തവണ ജപ്പാനില്‍ ഇന്റര്‍ നാഷനല്‍ സെമിനാറിന് പങ്കെടുക്കാന്‍ അവസരം ലഭിച്ചിട്ടുണ്ട് കരാട്ടെയോടുള്ള അഭിനിവേശവും സമര്‍പ്പണവും ആഴത്തിലുള്ള അറിവും കഴിവും കണക്കിലെടുത്ത് ജപ്പാനിലെ ഒക്കിനാവ ഹെഡ്‌കോട്ടേഴ്‌സ് 2019 ല്‍ മുഹമ്മദ് ഫായിസിന് ഷിഹാന്‍ പദവി നല്‍കി ആദരിച്ചിരുന്നു. അമേരിക്കയിലെ കിബുക്കന്‍ അസോസിയേഷന്റെ സെമിനാര്‍ കഴിഞ്ഞ് ഓഗസ്റ്റ് 9 നു ഫായിസ് തിരിച്ചെത്തും. 27 വര്‍ഷമായി യുഎഇയില്‍ പ്രവാസിയായ ഫായിസ് അബുദാബിയില്‍ ആണ് താമസം. ഷഫീന മുഹമ്മദ് ഫായിസ് ഭാര്യയാണ.് മക്കള്‍ മുഹമ്മദ് ഫഹീം ഫായിസ്, ആയിഷ ഫായിസ്, ഫാരിഹ ഫായിസ്.
