…എന്ന് നിങ്ങളുടെ സഹോദരന്‍ മുഹമ്മദ്; സര്‍ക്കാര്‍ ജീവനക്കാര്‍ക്ക് വ്യക്തിപരമായ ഇ-മെയില്‍ സന്ദേശമയച്ച് ദുബൈ ഭരണാധികാരി
Sat, 03 Oct 2026
ഐച്ചി നഗോയ: 20ാമത് ഏഷ്യന്‍ ഗെയിംസില്‍ യുഎഇ ജിയുജിറ്റ്‌സു ദേശീയ ടീമിന് രണ്ട് സ്വര്‍ണവും ഒരു വെങ്കലവും കൂടി. ഇതോടെ മത്സരത്തില്‍ യുഎഇയുടെ ജിയുജിറ്റ്‌സു മെഡല്‍ നേട്ടം എട്ടായി. അഞ്ച് സ്വര്‍ണം, രണ്ട് വെള്ളി, ഒരു വെങ്കലം. വെള്ളിയാഴ്ച നടന്ന മത്സരങ്ങളില്‍ പുരുഷന്മാരുടെ 77 കിലോഗ്രാം വിഭാഗത്തില്‍ മഹ്ദി അല്‍ അവ്‌ലഖി ജോര്‍ദാന്റെ മഹ്മൂദ് ജാബറിനെ ഫൈനലില്‍ തോല്‍പ്പിച്ച് സ്വര്‍ണം നേടി. പുരുഷന്മാരുടെ 94 കിലോഗ്രാം വിഭാഗത്തില്‍ അമാര്‍ അല്‍ ഹൊസാനി വെങ്കലം സ്വന്തമാക്കി.
വനിതകളുടെ 52 കിലോഗ്രാം വിഭാഗത്തില്‍ അസ്മ അല്‍ ഹൊസാനി ദക്ഷിണ കൊറിയയുടെ ഇയോന്‍ജു ഇമിനെ പരാജയപ്പെടുത്തി സ്വര്‍ണം നേടി. ഇതോടെ അസ്മ തന്റെ ഏഷ്യന്‍ ഗെയിംസ് കിരീടം നിലനിര്‍ത്തി. 2023ലെ ഹാങ്ഷൗ ഏഷ്യന്‍ ഗെയിംസില്‍ മാര്‍ഷ്യല്‍ ആര്‍ട്‌സില്‍ സ്വര്‍ണം നേടുന്ന ആദ്യ എമിറാത്തി വനിത എന്ന ചരിത്രനേട്ടം അസ്മ സ്വന്തമാക്കിയിരുന്നു.
യുഎഇയുടെ മികച്ച ഏഷ്യന്‍ ഗെയിംസ് പ്രകടനം
ഒക്ടോബര്‍ ഒന്നിനും യുഎഇ ജിയുജിറ്റ്‌സു ടീമിന് മികച്ച നേട്ടമുണ്ടായി. ഖാലിദ് അല്‍ ഷെഹി, അഹമ്മദ് അന്‍ദീസ്, ബല്‍ഖീസ് അബ്ദുല്ല എന്നിവര്‍ സ്വര്‍ണം നേടിയപ്പോള്‍ രണ്ട് വെള്ളി മെഡലുകളും ടീമിന് ലഭിച്ചു. ഏഷ്യന്‍ ഗെയിംസ് ചരിത്രത്തില്‍ യുഎഇയുടെ മികച്ച സ്വര്‍ണനേട്ടമാണ് ഇത്തവണത്തേത്. 2022ലെ ചൈന ഏഷ്യന്‍ ഗെയിംസില്‍ നേടിയ അഞ്ച് സ്വര്‍ണമായിരുന്നു ഇതിന് മുമ്പത്തെ മികച്ച പ്രകടനം.
