പിണറായി മുഖ്യമന്ത്രി പദം ദുരുപയോഗം ചെയ്തു; റിയാസ് വിദേശത്തേക്ക് പണം കടത്തി: എഫ്‌ഐആര്‍
Mon, 12 Oct 2026
റിയാദ്: കിംഗ് ഖാലിദ് അന്താരാഷ്ട്ര വിമാനത്താവളത്തിന് നേരെ ഹൂതി വിമതര്‍ നടത്തിയ ആക്രമണത്തില്‍ നടുങ്ങി സൗദി അറേബ്യ. ആക്രമണത്തിനെതിരെ ശക്തമായ തിരിച്ചടി നല്‍കുമെന്ന് സഖ്യസേന പ്രഖ്യാപിച്ചു. ആക്രമണത്തിന് പിന്നാലെ, സൗദി കിരീടാവകാശി മുഹമ്മദ് ബിന്‍ സല്‍മാനുമായി സംസാരിക്കുമെന്ന് യുഎസ് പ്രസിഡന്റ് ഡൊണാള്‍ഡ് ട്രംപ് വ്യക്തമാക്കി.
റിയാദ് വിമാനത്താവളത്തില്‍ ഉണ്ടായ ആക്രമണത്തില്‍ 12 പേര്‍ കൊല്ലപ്പെടുകയും 300-ലധികം പേര്‍ക്ക് പരിക്കേല്‍ക്കുകയും ചെയ്തതായി സൗദി സിവില്‍ ഏവിയേഷന്‍ ജനറല്‍ അതോറിറ്റി സ്ഥിരീകരിച്ചു. കൊല്ലപ്പെട്ടവരില്‍ നാല് സൗദി പൗരന്മാരും രണ്ട് ബംഗ്ലാദേശ് പൗരന്മാരും കൂടാതെ ഒരു ഫലസ്തീന്‍, ഒരു യുഎസ്, ഒരു ഈജിപ്ഷ്യന്‍, ഒരു ജോര്‍ദാനിയന്‍, ഒരു സിറിയന്‍, ഒരു സുഡാനീസ് പൗരനും ഉള്‍പ്പെടുന്നു എന്നും വ്യക്തമാക്കി.
സൗദി അറേബ്യയില്‍ സംഭവിച്ചത് ഒരിക്കലും അംഗീകരിക്കാന്‍ കഴിയാത്ത ഒന്നാണെന്ന് യുഎസ് പ്രസിഡന്റ് ഡൊണാള്‍ഡ് ട്രംപ് പ്രതികരിച്ചു. സൗദിയോടൊപ്പം ചേര്‍ന്ന് ഹൂതികള്‍ക്കെതിരെ സൈനിക നടപടി കൈക്കൊള്ളുന്ന കാര്യം പരിഗണനയിലാണെന്നും ട്രംപ് അറിയിച്ചു.
ഹൂതികള്‍ക്കെതിരെ ശക്തമായ ആക്രമണമുണ്ടാകുമെന്ന് സൗദി സഖ്യ സേനയും വ്യക്തമാക്കി.
വിമാനത്താവളത്തിന്റെ നാശനഷ്ടങ്ങള്‍ വിലയിരുത്തുന്നതിന്റെ ഭാഗമായി പ്രവര്‍ത്തനങ്ങള്‍ താല്‍ക്കാലികമായി നിര്‍ത്തിവെച്ചു. എയര്‍ ഇന്ത്യ, ഫ്‌ളൈ ദുബൈ, ലുഫ്താന്‍സ ഗ്രൂപ്പ്, പാകിസ്ഥാന്‍ ഇന്റര്‍നാഷണല്‍ എയര്‍ലൈന്‍സ് തുടങ്ങിയ നിരവധി അന്താരാഷ്ട്ര വിമാനക്കമ്പനികള്‍ റിയാദിലേക്കും സൗദിയിലെ മറ്റ് വിമാനത്താവളങ്ങളിലേക്കുമുള്ള സര്‍വീസുകള്‍ നിര്‍ത്തിവെക്കുകയോ റദ്ദാക്കുകയോ ചെയ്തു.
