റിയാദ് വിമാനത്താവളത്തിന് നേരെ ആക്രമണം: പാകിസ്ഥാനി കൊല്ലപ്പെട്ടു, 11 പേര്‍ക്ക് പരിക്ക്; ദമാമിലും ആക്രമണം
Mon, 12 Oct 2026
ദുബൈ: ലോകത്തിലെ ഏറ്റവും ജനപ്രിയമായ സാംസ്‌കാരിക വിനോദ കേന്ദ്രങ്ങളിലൊന്നായ ഗ്ലോബല്‍ വില്ലേജിന്റെ 30ാം സീസണ്‍ വരവേല്‍ക്കാനൊരുങ്ങി ജനറല്‍ ഡയറക്ടറേറ്റ് ഓഫ് ഐഡന്റിറ്റി ആന്‍ഡ് ഫോറിനേഴ്‌സ് അഫയേഴ്‌സ് ദുബൈയും ഗ്ലോബല്‍ വില്ലേജും ചേര്‍ന്ന് ഒരു പ്രത്യേക സംയുക്ത പദ്ധതി പ്രഖ്യാപിച്ചു. ഈ പുതിയ പദ്ധതിയുടെ ഭാഗമായി, ദുബൈയില്‍ നിന്ന് ഇഷ്യു ചെയ്യുന്ന വിസകളിലും ദുബൈ അതിര്‍ത്തികളിലൂടെ പ്രവേശിക്കുന്ന യാത്രക്കാരുടെ പാസ്‌പോര്‍ട്ടുകളിലും ഗ്ലോബല്‍ വില്ലേജ് ലോഗോ പതിപ്പിക്കും. ഗ്ലോബല്‍ വില്ലേജ് സീസണ്‍ 30ന്റെ ഔദ്യോഗിക ലോഗോ അടങ്ങിയ ഈ പ്രത്യേക സ്റ്റാമ്പ് ലഭിക്കുന്നവര്‍ക്ക് ഗ്ലോബല്‍ വില്ലേജിലേക്ക് ആദ്യത്തെ 10 ദിവസത്തേക്ക് സൗജന്യ പ്രവേശനം ലഭിക്കും. ഓരോ വ്യക്തിക്കും ഈ ആനുകൂല്യം ഒരിക്കല്‍ മാത്രമേ ഉപയോഗിക്കാനാകൂ. ദുബൈയുടെ സാംസ്‌കാരിക തുറന്ന സമീപനത്തെയും മനുഷ്യ വൈവിധ്യത്തെയും പ്രതിഫലിപ്പിക്കുന്ന പ്രതീകാത്മക സംരംഭം ആണിതെന്ന് ജി.ഡി.ആര്‍.എഫ്.എ അധികൃതര്‍ വ്യക്തമാക്കി. വിസയിലും എന്‍ട്രി സ്റ്റാമ്പിലുമുള്ള ഈ പ്രത്യേക ലോഗോ, യുഎഇയുടെ പ്രധാന സാംസ്‌കാരിക ആകര്‍ഷണമായ ഗ്ലോബല്‍ വില്ലേജ് ലക്ഷക്കണക്കിന് അന്തര്‍ദേശീയ സന്ദര്‍ശകര്‍ക്ക് പരിചയപ്പെടുത്താനാകുമെന്ന് ജനറല്‍ ഡയറക്ടറേറ്റ് അറിയിച്ചു. ദുബൈ 2033 വിഷന്റെ ലക്ഷ്യങ്ങള്‍ക്കനുസൃതമായി, എമിറേറ്റിന്റെ പുരോഗമനപരമായ സ്വത്വവും സാംസ്‌കാരിക ഐക്യവും ലോകത്തിനു മുന്നില്‍ അവതരിപ്പിക്കുന്നതിന്റെ ഭാഗമായാണ് ഈ സംരംഭം നടപ്പാക്കുന്നതെന്ന് അധികൃതര്‍ കൂട്ടിച്ചേര്‍ത്തു. പദ്ധതി പ്രഖ്യാപന ചടങ്ങില്‍ ജി.ഡി.ആര്‍.എഫ്.എ ദുബൈ ഡയറക്ടര്‍ ജനറല്‍ ലഫ്. ജനറല്‍ മുഹമ്മദ് അഹ്മദ് അല്‍ മര്‍റി, ദുബൈ ഹോള്‍ഡിംഗ് എന്റര്‍ടൈന്‍മെന്റ് ഗ്ലോബല്‍ വില്ലേജ് സീനിയര്‍ വൈസ് പ്രസിഡന്റായ മിസ്. സെയ്‌ന ദാഗര്‍, മാര്‍ക്കറ്റിംഗ് ആന്‍ഡ് ഇവന്റ്‌സ് ഡയറക്ടര്‍ സാറാ അല്‍ മുഹൈരി എന്നിവര്‍ പങ്കെടുത്തു. ലോകമെമ്പാടുമുള്ള ദശലക്ഷക്കണക്കിന് സന്ദര്‍ശകരെ ആകര്‍ഷിക്കുന്ന ഗ്ലോബല്‍ വില്ലേജ്, വിവിധ രാജ്യങ്ങളെയും സംസ്‌കാരങ്ങളെയും ഒരുമിപ്പിക്കുന്ന വേദിയായും, കലാപരിപാടികള്‍, രാജ്യ പവലിയനുകള്‍, വിനോദങ്ങള്‍ എന്നിവയിലൂടെ ദുബായുടെ സാംസ്‌കാരിക വൈവിധ്യത്തിന്റെ പ്രതീകമായി നിലകൊള്ളുന്നുവെന്ന് ജി.ഡി.ആര്‍.എഫ്.എ പ്രസ്താവനയില്‍ വ്യക്തമാക്കി.
