യുദ്ധത്തില്‍ അമേരിക്ക ഇടപെട്ടാല്‍ കനത്ത തിരിച്ചടി: മുന്നറിയിപ്പുമായി ഹൂതികള്‍
Tue, 13 Oct 2026
റിയാദ്: മക്കയിലേക്കും മദീനയിലേക്കും യാത്ര ചെയ്യുന്ന തീര്‍ത്ഥാടകര്‍ക്കും സാധാരണക്കാര്‍ക്കും നേരെ ഹൂതികള്‍ നടത്തുന്ന ആക്രമണങ്ങളെ സൗദി അറേബ്യന്‍ ഗ്രാന്‍ഡ് മുഫ്തി ശൈഖ് ഡോ. സാലിഹ് ബിന്‍ ഫൗസാന്‍ അല്‍-ഫൗസാന്‍ അപലപിച്ചു. മക്കയിലേക്കും മദീനയിലേക്കും എത്തുന്ന സന്ദര്‍ശകരെയും തീര്‍ത്ഥാടകരെയും ലക്ഷ്യമിടുന്നത് ഇസ്ലാമിക പ്രമാണങ്ങള്‍ക്ക് എതിരായ ഏറ്റവും വലിയ കുറ്റകൃത്യങ്ങളില്‍ ഒന്നാണെന്ന് അല്‍-ഫൗസാന്‍ വ്യക്തമാക്കി. അല്ലാഹുവിന്റെ വിശുദ്ധ ഇടങ്ങളെ ആക്രമിക്കുന്നവര്‍ക്ക് കടുത്ത ശിക്ഷയായിരിക്കും ലഭിക്കുകയെന്ന് അദ്ദേഹം മുന്നറിയിപ്പ് നല്‍കി.
ഒക്ടോബര്‍ 10-ന് റിയാദ് അന്താരാഷ്ട്ര വിമാനത്താവളത്തിന് നേരെ ഹൂതികള്‍ നടത്തിയ ആക്രമണത്തില്‍, ഉംറ കര്‍മ്മങ്ങള്‍ക്കായി യാത്ര പുറപ്പെട്ട തീര്‍ത്ഥാടകര്‍ ഉള്‍പ്പെടെ 13 പേര്‍ കൊല്ലപ്പെട്ടിരുന്നു. ഉംറ നിര്‍വഹിക്കാനെത്തിയ ഹൈദരാബാദ് സ്വദേശിയും ആക്രമണത്തില്‍ മരിച്ചു. സാധാരണ ജനങ്ങളുടെ ജീവനും സുരക്ഷയ്ക്കും ഭീഷണിയുയര്‍ത്തുന്ന ഇത്തരം നീക്കങ്ങള്‍ക്കെതിരെ അന്താരാഷ്ട്ര തലത്തിലും ശക്തമായ പ്രതിഷേധമാണ് ഉയരുന്നത്. തീര്‍ത്ഥാടകരുടെ സുരക്ഷ ഉറപ്പാക്കാന്‍ ശക്തമായ നടപടികള്‍ സ്വീകരിക്കുമെന്നും അധികൃതര്‍ വ്യക്തമാക്കിയിട്ടുണ്ട്.
