തുടര്‍ച്ചയായി വാഹനമോടിക്കാന്‍ 9 മണിക്കൂര്‍ സമയപരിധി നിശ്ചയിച്ച് യുഎഇ
Wed, 04 Nov 2026
മനാമ: സൗദി അറേബ്യയുടെ സുരക്ഷ രാജ്യത്തിന്റെ അതിര്‍ത്തികള്‍ക്കപ്പുറമുള്ള പ്രാദേശിക സുസ്ഥിരതയുമായി അഭേദ്യമായി ബന്ധപ്പെട്ടിരിക്കുന്നുവെന്ന് സൗദി വിദേശകാര്യ സഹമന്ത്രി വലീദ് എല്‍ ഖെരേജി. ബഹ്റൈനില്‍ നടന്ന 22-ാമത് ഐഐഎസ്എസ് മനാമ ഡയലോഗില്‍ സംസാരിക്കവെയാണ് അദ്ദേഹം ഇക്കാര്യം വ്യക്തമാക്കിയത്. പ്രാദേശിക സംഘര്‍ഷങ്ങള്‍ രൂക്ഷമാകുന്ന പശ്ചാത്തലത്തില്‍ പ്രതിസന്ധികളെ ലഘുവാക്കേണ്ടതിന്റെയും സുരക്ഷ ഉറപ്പാക്കേണ്ടതിന്റെയും പ്രാധാന്യം അദ്ദേഹം ഊന്നിപ്പറഞ്ഞു. സുസ്ഥിരമായ സമാധാനത്തിലൂടെ മാത്രമേ രാജ്യങ്ങള്‍ക്ക് വികസനവും സമൃദ്ധിയും കൈവരിക്കാനാകൂ എന്ന് അദ്ദേഹം വ്യക്തമാക്കി.
യമനിലെ നിയമപരമായ സര്‍ക്കാരിന് സൗദി അറേബ്യയുടെ പൂര്‍ണ്ണ പിന്തുണയുണ്ടാകും. സമാധാന ശ്രമങ്ങളെ അട്ടിമറിക്കുന്ന ഹൂതി മിസൈല്‍ ആക്രമണങ്ങളെയും സമുദ്ര സുരക്ഷയ്ക്ക് ഭീഷണി ഉയര്‍ത്തുന്ന നീക്കങ്ങളെയും അദ്ദേഹം ശക്തമായി അപലപിച്ചു.
അന്താരാഷ്ട്ര നിയമങ്ങള്‍ക്ക് വിധേയമായി രാജ്യത്തിന്റെ പരമാധികാരം സംരക്ഷിക്കുന്നതിനൊപ്പം സമാധാനപരമായ മാര്‍ഗ്ഗങ്ങളിലൂടെ തര്‍ക്കങ്ങള്‍ പരിഹരിക്കാന്‍ സൗദി അറേബ്യ നിരന്തരമായ നയതന്ത്ര ശ്രമങ്ങള്‍ നടത്തിവരുന്നുണ്ട്. സുരക്ഷ വര്‍ദ്ധിപ്പിക്കുന്നതിന്റെ ഭാഗമായി സൈനിക ശേഷി ശക്തിപ്പെടുത്തല്‍, നിര്‍ണായക അടിസ്ഥാന സൗകര്യങ്ങളുടെ സംരക്ഷണം, ഗള്‍ഫ് രാജ്യങ്ങളുമായുള്ള പ്രതിരോധ സഹകരണം എന്നിവയും രാജ്യം ഉറപ്പാക്കുന്നുണ്ടെന്നും അദ്ദേഹം കൂട്ടിച്ചേര്‍ത്തു.
