ഇറാന്റെ ആണവ കേന്ദ്രങ്ങളെക്കുറിച്ച് വിവരം നല്‍കിയാല്‍ 20 ദശലക്ഷം ഡോളര്‍
Sat, 07 Nov 2026
അല്‍ഐന്‍: പൂന്തോട്ടങ്ങളുടെ നഗരി എന്നറിയപ്പെടുന്ന അല്‍ഐന്‍ കൂടുതല്‍ സുന്ദരിയാവാന്‍ ഒരുങ്ങുന്നു. ഏത് കാലാവസ്ഥയിലും വര്‍ഷം മുഴുവന്‍ പൂക്കളാല്‍ നിറഞ്ഞുനില്‍ക്കുന്ന നഗരമായി അല്‍ ഐന്‍ മാറുന്നു. ഇതിനായി പ്രത്യേക പദ്ധതിയാണ് അല്‍ഐന്‍ മുനിസിപ്പാലിറ്റി ഒരുക്കിയിരിക്കുന്നത്.
പ്രധാന റോഡുകള്‍, റൗണ്ട്എബൗട്ടുകള്‍, പാര്‍ക്കുകള്‍, പൊതുസ്ഥലങ്ങള്‍, നടപ്പാതകള്‍ എന്നിവിടങ്ങളിലായി വിവിധ നിറങ്ങളിലും ഇനങ്ങളിലുമുള്ള പൂച്ചെടികള്‍ നഗരത്തിന് പ്രത്യേക ഭംഗി നല്‍കുന്നു. അല്‍ ഐന്‍ സിറ്റി മുനിസിപ്പാലിറ്റിയുടെ നഴ്‌സറികളില്‍ പ്രതിവര്‍ഷം 55 ലക്ഷത്തിലധികം തൈകള്‍ ഉല്‍പ്പാദിപ്പിക്കുന്നു. ഇവ ഉപയോഗിച്ച് ഏകദേശം 9.9 കോടി പൂക്കള്‍** 4 ലക്ഷം ചതുരശ്ര മീറ്ററിനടുത്തുള്ള പുഷ്പത്തോട്ടങ്ങളില്‍ നട്ടുപിടിപ്പിക്കുന്നു. 30 ഇനം പൂച്ചെടികളിലായി 40 വ്യത്യസ്ത വേരൈറ്റികളും 20 നിറഭേദങ്ങളുമാണ് നഗരസൗന്ദര്യവല്‍ക്കരണത്തിനായി ഉപയോഗിക്കുന്നത്. വെള്ള, ചുവപ്പ്, മഞ്ഞ, ഓറഞ്ച്, പിങ്ക്, വയലറ്റ്, നീല തുടങ്ങിയ നിറങ്ങള്‍ പ്രത്യേക ഡിസൈനുകളിലാണ് ക്രമീകരിക്കുന്നത്.
ചൂട് സഹിക്കാനുള്ള ശേഷി, പൂക്കളുടെ ദൈര്‍ഘ്യം, നിറത്തിന്റെ തീവ്രത, ജല ഉപയോഗത്തിലെ കാര്യക്ഷമത തുടങ്ങിയ മാനദണ്ഡങ്ങള്‍ പരിഗണിച്ചാണ് ചെടികള്‍ തിരഞ്ഞെടുക്കുന്നത്. പെറ്റൂണിയ, സീനിയ, മാരിഗോള്‍ഡ്, ലന്താന, ജെറാനിയം, ഡാലിയ, സണ്‍ഫ്‌ലവര്‍ തുടങ്ങിയ നിരവധി ഇനങ്ങള്‍ ഇതില്‍ ഉള്‍പ്പെടുന്നു. വേനല്‍ക്കാലത്തെ നടീല്‍ മേയ് മധ്യത്തോടെ ആരംഭിക്കുകയും ഉയര്‍ന്ന ചൂട് താങ്ങുന്ന ഇനങ്ങള്‍ക്ക് മുന്‍ഗണന നല്‍കുകയും ചെയ്യുന്നു. ശീതകാല നടീല്‍ ഡിസംബര്‍ അവസാനത്തോടെ ആരംഭിച്ച് കൂടുതല്‍ വൈവിധ്യമാര്‍ന്ന പൂക്കള്‍ ഉള്‍പ്പെടുത്തുന്നു. ഓട്ടോമേറ്റഡ് ജലസേചനം, കൃത്യമായ വളപ്രയോഗം, മണ്ണിന്റെ പരിപാലനം, കാലാനുസൃതമായി ചെടികള്‍ മാറ്റിസ്ഥാപിക്കല്‍ തുടങ്ങിയ ആധുനിക സംവിധാനങ്ങളും ഉപയോഗിക്കുന്നുണ്ട്. വര്‍ഷം മുഴുവന്‍ പൂക്കളാല്‍ സമ്പന്നമായ ഹരിത നഗരമെന്ന അല്‍ ഐന്റെ പ്രതിച്ഛായ കൂടുതല്‍ ശക്തിപ്പെടുത്തുകയാണ് പദ്ധതിയുടെ ലക്ഷ്യം. നഗരത്തിന്റെ പരിസ്ഥിതി നിലവാരവും ജനങ്ങളുടെ ജീവിത നിലവാരവും മെച്ചപ്പെടുത്തുന്നതിലും ഈ പദ്ധതി പ്രധാന പങ്കുവഹിക്കുന്നു.
