പാറ്റകള്ക്ക് മുന്നില് പൂര്ണമായും വഴങ്ങി മോദി; എല്ലാ ആവശ്യങ്ങളും അംഗീകരിച്ചു
Sun, 26 Jul 2026
അബുദാബി: ശുദ്ധ ഇനത്തിലുള്ള അറേബ്യന് കുതിരകള്ക്കായുള്ള 33ാമത് യുഎഇ പ്രസിഡന്റ്സ് കപ്പ് യൂറോപ്യന് പര്യടനത്തിന്റെ ഭാഗമായി ജൂലൈ 26ന് നെതര്ലന്ഡ്സിലെ ദി ഹേഗ് നഗരത്തിലുള്ള ഡ്യൂന്ഡിഗ്റ്റ് ടര്ഫ് റേസ്കോഴ്സില് നടക്കും. ലോകമെമ്പാടുമുള്ള അറേബ്യന് കുതിരകളുടെ ഉടമകളെയും വളര്ത്തുകാരെയും പ്രോത്സാഹിപ്പിക്കുക, ഈ പാരമ്പര്യ ഇനത്തിന്റെ സംരക്ഷണവും അന്താരാഷ്ട്ര അംഗീകാരവും ശക്തിപ്പെടുത്തുക എന്ന ലക്ഷ്യത്തോടെയാണ് ഈ പരമ്പര സംഘടിപ്പിക്കുന്നത്. ഈ വര്ഷത്തെ നെതര്ലന്ഡ്സ് റേസില് നെതര്ലന്ഡ്സിലെയും യൂറോപ്പിലെയും പ്രമുഖ സ്റ്റഡുകളെ പ്രതിനിധീകരിച്ച് 11 കുതിരകള് പങ്കെടുക്കും. 2,150 മീറ്റര് ദൂരത്തിലുള്ള ഗ്രൂപ്പ്3 വിഭാഗത്തിലാണ് മത്സരം. നാല് വയസും അതില് കൂടുതലുമുള്ള ശുദ്ധ ഇന അറേബ്യന് കുതിരകള്ക്കാണ് പങ്കെടുക്കാന് അര്ഹത. യൂറോപ്പിലെ അറേബ്യന് കുതിരപ്പോരാട്ടങ്ങളില് നെതര്ലന്ഡ്സിന് സുപ്രധാന സ്ഥാനമുണ്ട്. ഈ വേദിയിലൂടെ അറേബ്യന് കുതിരകളുടെ പാരമ്പര്യം സംരക്ഷിക്കാനും ആഗോള തലത്തില് അവയുടെ പ്രാധാന്യം ഉയര്ത്തിക്കാട്ടാനും യുഎഇ ശ്രമിക്കുന്നു. മുന് വര്ഷങ്ങളില് ജാല്മാര് (2017), ലൈറ്റ്നിംഗ് ബോള്ട്ട് (2018), ഖൈര് അല് ഷാം (2019), ജരീഫ് (2021, 2022), മെസ്സി (2023), ഫരീദ പി (2024), അഫ്ജാന് (2025) എന്നിവര് നെതര്ലന്ഡ്സ് ഘട്ടത്തില് കിരീടം നേടിയിട്ടുണ്ട്. ഇത്തവണയും ശക്തമായ മത്സരം പ്രതീക്ഷിക്കപ്പെടുന്നു.
യുഎഇ പ്രസിഡന്റ്സ് കപ്പ് അറേബ്യന് കുതിരപ്പോരാട്ടം നെതര്ലന്ഡ്സില്
ഷാര്ജയിലെ കിഴക്കന് മേഖലയില് കനത്ത മഴ; അല്ദൈദില് വെള്ളപ്പാച്ചില്
