യുഎഇ അടക്കമുള്ള ഗള്ഫ് രാജ്യങ്ങളില് സിബിഎസ്ഇ പന്ത്രണ്ടാം ക്ലാസ് പരീക്ഷ വീണ്ടും നടത്തും
Wed, 16 Sep 2026
തിരുവനന്തപുരം: മെസിയുടെ പേരിലുള്ള തട്ടിപ്പ് കേസുമായി ബന്ധപ്പെട്ടുള്ള പ്രത്യേക അന്വേഷണ സംഘമാണ് റിപ്പോര്ട്ടര് ടിവി ചാനല് ഓഫീസ് റെയ്ഡ് ചെയ്തതെന്ന് മുഖ്യമന്ത്രി വിഡി സതീശന്. ഈ റെയ്ഡ് നിയമപരമായ നടപടി മാത്രമാണ്. ഈ വിവരം താനറിയുന്നത് റിപ്പോര്ട്ടര് ചാനല് ടിവിയിലൂടെയാണ്. വാര്ത്താ സംപ്രേഷണം തടസ്സപ്പെടുത്തിയിട്ടില്ല. പൊലീസ് നടപടി തികച്ചും നിയമപരമായ ആവശ്യങ്ങള്ക്ക് വേണ്ടിയാണ്. ഇക്കാര്യത്തില് സര്ക്കാരിന് ഇടപെടാന് കഴിയില്ല. ഇത്തരം റെയ്ഡുകള് പുതിയ സംഭവമല്ലെന്നും പിണറായി ഭരണകാലത്തും നിരവധി അന്വേഷണങ്ങളും റെയ്ഡുകളും മാധ്യമ പ്രവര്ത്തകര്ക്കെതിരെയുള്ള കേസുകളും ഉണ്ടായിട്ടുണ്ട്. മംഗളം ചാനലിലും ഏഷ്യാനെറ്റിലും റെയ്ഡ് നടത്തിയത് പിണറായി ഭരിക്കുന്ന കാലത്താണ്. കേസുമായി ബന്ധപ്പെട്ട കാര്യമായതിനാല് കൂടുതലൊന്നും പറയുന്നില്ലെന്നും വിഡി സതീശന് പറഞ്ഞു. പിഎസ്സി തട്ടിപ്പുമായി ബന്ധപ്പെട്ട കേസിലും യാതൊരു ഇളവുമില്ല. പിഎസ്സി ചെയര്മാന് അന്വേഷണത്തില് സഹകരിക്കണമെന്നും മുഖ്യമന്ത്രി ആവശ്യപ്പെട്ടു. മാസപ്പടി കേസുമായുള്ള ഇഡി അന്വേഷണത്തില് സര്ക്കാര് നിയമപരമായ കാര്യങ്ങളാണ് നോക്കുന്നത്. രാഷ്ട്രീയമായി ഇക്കാര്യത്തില് ഇടപെടില്ല. പിണറായിയും റിയാസും നല്കിയ വിശദീകരണം വ്യത്യസ്തമാണെന്നും മുഖ്യമന്ത്രി പറഞ്ഞു.
