…എന്ന് നിങ്ങളുടെ സഹോദരന്‍ മുഹമ്മദ്; സര്‍ക്കാര്‍ ജീവനക്കാര്‍ക്ക് വ്യക്തിപരമായ ഇ-മെയില്‍ സന്ദേശമയച്ച് ദുബൈ ഭരണാധികാരി
Sat, 03 Oct 2026
തിരുവനന്തപുരം: ലിയോണല്‍ മെസ്സിയെ കേരളത്തിലെത്തിക്കാമെന്ന് വാഗ്ദാനം ചെയ്ത് സാമ്പത്തിക തട്ടിപ്പ് നടത്തിയെന്ന കേസില്‍ മുന്‍ കായികവകുപ്പ് മന്ത്രി വി അബ്ദുറഹ്മാനെ എസ്‌ഐടി ചോദ്യം ചെയ്തു. ചോദ്യാവലി തയ്യാറാക്കിയായിരുന്നു ചോദ്യംചെയ്യല്‍. കേസിലെ വിശദാംശങ്ങള്‍ അന്വേഷണ സംഘം ഡിജിപിക്ക് കൈമാറി. അബ്ദുറഹ്മാന്റെ മൊഴിയും ഉള്‍പ്പെടുത്തിയാണ് പ്രത്യേക സംഘം പ്രാഥമിക റിപ്പോര്‍ട്ട് കൈമാറിയത്. അഴിമതി തടയല്‍ നിയമപ്രകാരം കേസെടുത്തു അന്വേഷിക്കണമെന്ന് റിപ്പോര്‍ട്ടില്‍ പരാമര്‍ശമുണ്ടെന്നാണ് അറിയുന്നത്. മന്ത്രിയുടെ സ്‌പെയിനിലേക്കുള്ള യാത്രയടക്കം എസ്‌ഐടിയുടെ അന്വേഷണ പരിധിയില്‍ വരുന്നുണ്ട്. അര്‍ജന്റീന ടീം പണം വാങ്ങി വഞ്ചിച്ചെന്നും സാമ്പത്തിക ഇടപാടില്‍ ഒരു തെറ്റും നടന്നിട്ടില്ല എന്നാണ് മനസിലാക്കുന്നത് എന്നും മുന്‍ മന്ത്രി പറഞ്ഞിരുന്നു. മെസ്സിയെ കൊണ്ടുവരുമെന്ന് പറഞ്ഞ് നടത്തിയ തട്ടിപ്പില്‍ കോടികളുടെ നികുതിവെട്ടിപ്പ് നടന്നതായാണ് വിവരം. ജിഎസ്ടി ഉദ്യോഗസ്ഥരുടെ അറിവോടെയാണോ വെട്ടിപ്പ് നടന്നതെന്ന് കാര്യം അന്വേഷണസംഘം പരിശോധിക്കുകയാണ്. ജിഎസ്ടി ഉദ്യോഗസ്ഥരെ ഉദ്യോഗസ്ഥരെയും എസ് ഐ ടി ചോദ്യം ചെയ്തിരുന്നു. ജിഎസ്ടി ഉദ്യോഗസ്ഥര്‍ സ്‌പോണ്‍സര്‍ക്ക് വഴിവിട്ട സഹായം ചെയ്തിരുന്നതായി വിവരങ്ങള്‍ ലഭിച്ചതിന്റെ പശ്ചാത്തലത്തിലാണ് വിളിച്ചുവരുത്തി മൊഴി രേഖപ്പെടുത്തിയത്.
