സിഎന്എന് അടക്കമുള്ള മാധ്യമങ്ങള്ക്ക് വൈറ്റ്ഹൗസ് വിലക്ക്; ട്രംപിന്റെ നീക്കത്തിനെതിരെ അമേരിക്കന് മാധ്യമങ്ങള്
Sat, 19 Sep 2026
ന്യൂയോര്ക്ക്: ഫലസ്തീന് പ്രസിഡന്റ് മഹ്മൂദ് അബ്ബാസിന് യുഎസ് വിസ നിഷേധിച്ച നടപടിയില് ‘ഗാഢമായ ഖേദം’ പ്രകടിപ്പിച്ച് യുഎന് സെക്രട്ടറി ജനറല് അന്റോണിയോ ഗുട്ടറസ്. തുടര്ച്ചയായി രണ്ടാം വര്ഷമാണ് അബ്ബാസിനും മറ്റ് ഫലസ്തീന് ഉദ്യോഗസ്ഥര്ക്കും യുഎസ് വിസ നിഷേധിക്കുന്നത്. ഇതോടെ അടുത്തയാഴ്ച നടക്കുന്ന യുഎന് പൊതുസഭാ സമ്മേളനത്തില് അബ്ബാസിന് നേരിട്ട് പങ്കെടുക്കാന് കഴിയില്ല. സെപ്റ്റംബര് 17നാണ് അബ്ബാസ് ഉള്പ്പെടെയുള്ള ഫലസ്തീന് അതോറിറ്റി ഉദ്യോഗസ്ഥര്ക്ക് വിസ അനുവദിക്കില്ലെന്ന് യുഎസ് സ്റ്റേറ്റ് ഡിപ്പാര്ട്ട്മെന്റ് അറിയിച്ചത്. സെപ്റ്റംബര് 22ന് ആരംഭിക്കുന്ന പൊതുസഭാ സമ്മേളനത്തില് ഫലസ്തീന് ദൗത്യത്തിലെ യുഎസില് പ്രവേശിക്കാന് അനുമതിയുള്ള അംഗങ്ങള്ക്ക് മാത്രമേ നേരിട്ട് പങ്കെടുക്കാനാകൂ.
വിസ നിഷേധിച്ച നടപടി ‘യുഎന്നിന്റെ പ്രവര്ത്തനങ്ങളില് സ്റ്റേറ്റ് ഓഫ് പാലസ്തീന് പൂര്ണമായി പങ്കെടുക്കാനുള്ള ശേഷിയെ ബാധിക്കുന്നതില് സെക്രട്ടറി ജനറല് ആശങ്കപ്പെടുന്നു’ എന്ന് ഗുട്ടറസിന്റെ വക്താവ് സ്റ്റെഫാന് ദുജാറിക് പറഞ്ഞു. യുഎന് പൊതുസഭ പിന്നീട് അബ്ബാസിന് വീഡിയോ സന്ദേശത്തിലൂടെ പ്രസംഗിക്കാനുള്ള അനുമതി നല്കിയിട്ടുണ്ട്. തുടര്ച്ചയായി രണ്ടാം വര്ഷമാണ് വിസാ നിയന്ത്രണത്തെ തുടര്ന്ന് അബ്ബാസിന് ഇത്തരത്തില് വിദൂരമായി പൊതുസഭയെ അഭിസംബോധന ചെയ്യേണ്ടിവരുന്നത്. യുഎസ് സ്റ്റേറ്റ് ഡിപ്പാര്ട്ട്മെന്റിന്റെ നിലവിലെ നയപ്രകാരം, ഫലസ്തീന് അതോറിറ്റി നല്കുന്നതോ അംഗീകരിക്കുന്നതോ ആയ യാത്രാരേഖകള് ഉപയോഗിക്കുന്നവര്ക്കുള്ള വിസാ നിയന്ത്രണം 2026 ജനുവരി മുതല് നിലവിലുണ്ട്.
