അഞ്ചാഴ്ചയ്ക്കിടെ ആദ്യമായി ഡോളര്‍ ഇടിവിലേക്ക്; ഇന്ത്യന്‍ രൂപക്ക് നേട്ടം
Fri, 16 Oct 2026
ന്യൂയോര്‍ക്ക്: റിയാദിലെ കിംഗ് ഖാലിദ് അന്താരാഷ്ട്ര വിമാനത്താവളത്തിന് നേരെ ഹൂതി വിമതര്‍ നടത്തിയ മാരകമായ ആക്രമണങ്ങളെ ശക്തമായി അപലപിച്ച് ഐക്യരാഷ്ട്രസഭയുടെ രക്ഷാസമിതി. സൗദി അറേബ്യയുടെ ആഭ്യന്തര സുരക്ഷയ്ക്കും സിവിലിയന്‍ അടിസ്ഥാന സൗകര്യങ്ങള്‍ക്കും നേരെയുള്ള ആക്രമണങ്ങളെ അപലപിച്ച കൗണ്‍സില്‍, സൗദിയുടെ സ്വയം പ്രതിരോധ അവകാശത്തെ പിന്തുണയ്ക്കുന്നതായി പ്രഖ്യാപിച്ചു.
കഴിഞ്ഞ വാരാന്ത്യത്തില്‍ കിംഗ് ഖാലിദ് അന്താരാഷ്ട്ര വിമാനത്താവളത്തിലുണ്ടായ ആക്രമണങ്ങളില്‍ 14 പേര്‍ കൊല്ലപ്പെടുകയും മുന്നൂറിലധികം പേര്‍ക്ക് പരിക്കേല്‍ക്കുകയും ചെയ്തിരുന്നു. വ്യോമയാന മേഖലയേയും ഊര്‍ജ്ജ കേന്ദ്രങ്ങളേയും ലക്ഷ്യമിട്ട് ഹൂതികള്‍ നടത്തുന്ന ഇത്തരം നീക്കങ്ങള്‍ക്കെതിരെ ശക്തമായ നടപടി ആവശ്യമാണ്.
കൗണ്‍സിലിലെ 15 അംഗങ്ങളുടെയും പൂര്‍ണ്ണ സമ്മതത്തോടെയാണ് ഔദ്യോഗിക പ്രസ്താവന പുറത്തിറക്കിയിട്ടുള്ളത്. പൗരന്മാര്‍ക്കും രാജ്യത്തിന്റെ പ്രദേശങ്ങള്‍ക്കും നേരെയുള്ള ആക്രമണങ്ങളില്‍ സൗദി അറേബ്യയോട് ഐക്യദാര്‍ഢ്യം പ്രകടിപ്പിക്കുന്നതായും അന്താരാഷ്ട്ര നിയമപ്രകാരം രാജ്യത്തിന് സ്വയം പ്രതിരോധത്തിനുള്ള അവകാശമുണ്ടെന്നും പ്രസ്താവനയില്‍ വ്യക്തമാക്കുന്നു. കൂടാതെ ചെങ്കടലിലും ബാബ് അല്‍-മന്ദബ് കടലിടുക്കിലും വാണിജ്യ കപ്പലുകള്‍ക്ക് നേരെ ഹൂതികള്‍ നടത്തുന്ന ഭീഷണികളെയും കൗണ്‍സില്‍ അപലപിച്ചു.
