യൂത്ത് ഒളിമ്പിക്‌സില്‍ യുഎഇക്ക് ചരിത്രത്തിലെ ആദ്യ സ്വര്‍ണം: റിയാന്‍ മല്‍ഹാന് ബാഡ്മിന്റണില്‍ വിജയം
Sat, 07 Nov 2026
തിരുവനന്തപുരം: വ്യക്തികളില്‍നിന്നും കമ്പനികളില്‍നിന്നും രാഷ്ട്രീയ പാര്‍ട്ടികള്‍ സംഭാവന വാങ്ങാറുണ്ടെന്നും എന്നാല്‍ പ്രതിപക്ഷ നേതാവ് പിണറായി വിജയന്റെ മകള്‍ വീണയുമായി ബന്ധപ്പെട്ട കേസ് അങ്ങനെയല്ലെന്നും മുഖ്യമന്ത്രി വി.ഡി. സതീശന്‍. അതിനും അപ്പുറമുള്ള കാര്യങ്ങള്‍ എന്‍ഫോഴ്സ്മെന്റ് ഡയറക്ടറേറ്റ് (ഇ.ഡി) നല്‍കിയ കത്തിലുണ്ട്. ഇക്കാര്യത്തില്‍ നിയമപരമായ പരിശോധന പൂര്‍ത്തിയാക്കി സര്‍ക്കാര്‍ ഉചിതമായ തീരുമാനമെടുക്കും. ഇതില്‍ രാഷ്ട്രീയമില്ല. നിയമം മാത്രമാണ് നോക്കുന്നത്. ന്യായീകരിക്കാന്‍ മാത്രമാണ് സിപിഎം ഇപ്പോള്‍ ശ്രമിക്കുന്നത്. സിപിഎം കടുത്ത പ്രതിരോധത്തിലാണെന്നും മുഖ്യമന്ത്രി കൂട്ടിച്ചേര്‍ത്തു.
പിണറായി വിജയന്‍ മുഖ്യമന്ത്രിയായിരിക്കെ മകള്‍ വീണ വഴി സിഎംആര്‍എല്‍ എക്‌സാലോജിക് ഇടപാടിലൂടെ 3.28 കോടി രൂപ കൈക്കൂലി വാങ്ങിയെന്നു കാട്ടിയും ഇതില്‍ അന്വേഷണത്തിനു ശുപാര്‍ശ ചെയ്തും ഇ.ഡി. സംസ്ഥാന പോലീസ് മേധാവിക്ക് കത്തു നല്‍കിയതിനെക്കുറിച്ച് മാധ്യമങ്ങളോട് പ്രതികരിക്കുകയായിരുന്നു മുഖ്യമന്ത്രി. കള്ളപ്പണ നിരോധന നിയമം അനുസരിച്ചാണ് ഇ.ഡി. സംസ്ഥാന ഡിജിപിക്ക് കത്ത് അയച്ചത്. ഇ.ഡി അന്വേഷണങ്ങളുമായി രാഹുല്‍ ഗാന്ധി പൂര്‍ണമായി സഹകരിച്ചിരുന്നുവെന്നും വണ്ടിയോ പൊതുമുതലുകളോ തല്ലിപ്പൊളിക്കുന്ന രീതി ഉണ്ടായിരുന്നില്ലെന്നും മുഖ്യമന്ത്രി കൂട്ടിച്ചേര്‍ത്തു.
വൈദ്യുതി പ്രതിസന്ധിയില്‍ സര്‍ക്കാര്‍ നടപടിയെടുക്കുന്നുണ്ട്. മഴ കുറഞ്ഞതോടെ വൈദ്യുതി ഉപയോഗം കൂടി. അണക്കെട്ടില്‍ വെള്ളം കുറഞ്ഞതിനാല്‍ വൈദ്യുതി ഉല്‍പ്പാദനവും കുറഞ്ഞു. ഉമ്മന്‍ ചാണ്ടി സര്‍ക്കാരിന്റെ കാലത്ത് 400 മെഗാവാട്ട് വാങ്ങാനായി ഒപ്പിട്ട 25 വര്‍ഷത്തെ കരാര്‍ എല്‍ഡിഎഫ് സര്‍ക്കാര്‍ റദ്ദാക്കി. 4.29 രൂപയ്ക്ക് പകരം ഇപ്പോള്‍ 10 രൂപയ്ക്കാണ് വൈദ്യുതി വാങ്ങുന്നത്. കല്‍ക്കരി പ്രതിസന്ധി കാരണം വൈദ്യുതി കിട്ടാനില്ല. ജനങ്ങളുടെ മേല്‍ അധിക നിരക്ക് ഈടാക്കാതെ വൈദ്യുതി പ്രതിസന്ധി പരിഹരിക്കാനാണ് നീക്കം. ഈ മാസം പകുതിയോടെ പ്രശ്‌നം പരിഹരിക്കും.
സംസ്ഥാനത്തെ ജില്ലാ ജുഡീഷ്യല്‍ ഓഫീസര്‍മാരുടെ വിരമിക്കല്‍ പ്രായം ഉയര്‍ത്താന്‍ തീരുമാനമായതായും അദ്ദേഹം അറിയിച്ചു. ഇതോടൊപ്പം സുപ്രീം കോടതിയില്‍ കേസുകള്‍ നടത്തുന്നതിനായി മുതിര്‍ന്ന അഭിഭാഷകരുടെ പാനല്‍ രൂപവത്കരിച്ചതായും മുഖ്യമന്ത്രി അറിയിച്ചു.
