യെമനില് കനത്ത പോരാട്ടം; ഹൂതികള്ക്കെതിരെ സൗദി പിന്തുണയുള്ള സേനയുടെ തിരിച്ചടി
Tue, 08 Sep 2026
ദുബൈ: അഗ്നിപര്വത സ്ഫോടനത്തിലുണ്ടായ ചാരത്തെ തുടര്ന്ന് ജക്കാര്ത്തയിലെ സൊയ്കാര്ണോ ഹത്ത അന്താരാഷ്ട്ര വിമാനത്താവളം താല്ക്കാലികമായി അടച്ചതോടെ ദുബൈ-ജക്കാര്ത്ത റൂട്ടിലെ എമിറേറ്റ്സ് വിമാന സര്വീസുകള്ക്ക് തടസ്സം. ചില വിമാനങ്ങള് വൈകുകയോ റദ്ദാക്കുകയോ ചെയ്തതായി എമിറേറ്റ്സ് സ്ഥിരീകരിച്ചു. അഗ്നിപര്വത സ്ഫോടനത്തെ തുടര്ന്ന് ഇന്തോനേഷ്യയിലെ ആറ് വിമാനത്താവളങ്ങളുടെ പ്രവര്ത്തനവും ഞായറാഴ്ച താല്ക്കാലികമായി നിര്ത്തിവെച്ചു. ജക്കാര്ത്തയില് നിന്ന് 150 കിലോമീറ്ററിലധികം അകലെയുള്ള അനക് ക്രാക്കറ്റോവയില് നിന്നുള്ള അഗ്നിപര്വത ചാരം വിമാനത്താവള മേഖലയിലെത്തിയതാണ് പ്രധാന കാരണം. ശനിയാഴ്ച അനക് ക്രാക്കറ്റോവ പൊട്ടിത്തെറിച്ച് ലാവ ഉയര്ന്നതായും സ്ഫോടനശബ്ദം 700 കിലോമീറ്റര് വരെ കേട്ടതായും റിപ്പോര്ട്ടുണ്ട്.
എമിറേറ്റ്സ് വിമാനക്കമ്പനി സ്ഥിതിഗതികള് നിരീക്ഷിച്ചുവരികയാണ്. യാത്രക്കാര് വിമാനത്താവളത്തിലേക്ക് പുറപ്പെടുന്നതിന് മുമ്പ് വിമാനത്തിന്റെ ഏറ്റവും പുതിയ സ്റ്റാറ്റസ് പരിശോധിക്കണമെന്ന് എയര്ലൈന് നിര്ദേശിച്ചു. വിമാന വിവരങ്ങളിലെ പുതിയ അപ്ഡേറ്റുകള് ലഭിക്കുന്നതിനായി ‘Manage Your Booking’ സംവിധാനത്തില് കോണ്ടാക്ട് വിവരങ്ങള് കൃത്യമായി അപ്ഡേറ്റ് ചെയ്യാനും എമിറേറ്റ്സ് ആവശ്യപ്പെട്ടു. അഗ്നിപര്വത ചാരം വിമാന എന്ജിനുകള്ക്ക് ഗുരുതരമായ കേടുപാടുകള് വരുത്താനും കാഴ്ചപരിധി കുറയ്ക്കാനും സാധ്യതയുള്ളതിനാല്, സുരക്ഷ ഉറപ്പാകുന്നതുവരെ വിമാന സര്വീസുകള് നിര്ത്തിവെക്കുന്നത് സാധാരണ നടപടിയാണ്.
യുഎഇയില് 17 വര്ഷം പൂര്ത്തിയാക്കി ലുലു എക്സ്ചേഞ്ച്; ഉപഭോക്താക്കളെയും ജീവനക്കാരെയും ആദരിച്ചു
