യുഎഇ സന്ദര്ശനത്തിനെത്തിയ ഫ്രഞ്ച് പ്രസിഡന്റിനെ പ്രസിഡന്റ് ശൈഖ് മുഹമ്മദ് ബിന് സായിദ് സ്വീകരിച്ചു
Tue, 23 Dec 2025
കണക്കാക്കുന്നത് 48 കോടിയുടെ നാശനഷ്ടം
തിരുവനന്തപുരം: മഴയിലും കാറ്റിലും കെഎസ്ഇബിക്ക് കനത്ത നാശനഷ്ടം. പ്രാഥമിക കണക്കുകള് പ്രകാരം 48 കോടിയിലേറെ രൂപയുടെ നാശനഷ്ടം ഉണ്ടായിട്ടുണ്ടെന്നാണ് വിലയിരുത്തല്. 895 എച്ച്ടി പോസ്റ്റുകളും 6230 എല്ടി പോസ്റ്റുകളും തകര്ന്നു. മരങ്ങളും മരച്ചില്ലകളും വീണതിനെത്തുടര്ന്ന് 6230 ഇടങ്ങളില് എല്ടി ലൈനുകളും 895 ഇടങ്ങളില് എച്ച്ടി ലൈനുകളും പൊട്ടിവീണു.
185 ട്രാന്സ്ഫോര്മറുകള്ക്ക് കേടുപാടുകള് സംഭവിച്ചു. ഒറ്റപ്പെട്ട ചില സ്ഥലങ്ങളിലൊഴികെ സമയബന്ധിതമായിത്തന്നെ വൈദ്യുതി നല്കാന് സാധിച്ചതായി കെ.എസ്.ഇ.ബി അറിയിച്ചു.
സാധാരണ ഗതിയില് ഏതെങ്കിലും തരത്തില് വൈദ്യുതി തകരാര് സംഭവിക്കുമ്പോള് ഒരു പ്രദേശത്താകെ വൈദ്യുതി വിതരണം നിര്വ്വഹിക്കുന്ന 11 കെ.വി. ലൈനുകളുടെയും ട്രാന്സ്ഫോര്മറുകളുടെയും തകരാറുകള് പരിഹരിക്കുന്നതിനായിരിക്കും ആദ്യ മുന്ഗണന.
