യുഎഇ സന്ദര്ശനത്തിനെത്തിയ ഫ്രഞ്ച് പ്രസിഡന്റിനെ പ്രസിഡന്റ് ശൈഖ് മുഹമ്മദ് ബിന് സായിദ് സ്വീകരിച്ചു
Tue, 23 Dec 2025
പാട്ടുയാത്രകൾക്കു പുതുക്കൂട്ട് തേടിയിരിക്കുകയാണ് മലയാളത്തിന്റെ സ്വന്തം സംഗീത സംവിധായകൻ ബിജിബാൽ. ഏറെ മനോഹരമായ എണ്ണം പറഞ്ഞ പാട്ടുകൾ മലയാളത്തിന് സമ്മാനിച്ച ബിജിബാൽ തന്റെ പാട്ടുകൾ പോലെ തന്നെ വ്യത്യസ്തമായ ഒരു വാഹനമാണ് സ്വന്തമാക്കിയിരിക്കുന്നത്. ബി വൈ ഡി യുടെ ഇലക്ട്രിക് കാർ ആറ്റോ 3 ആണ് സംഗീതസംവിധായകന്റെ യാത്രകൾക്ക് ഇനി താളമാകുക. 33.99 ലക്ഷം രൂപയിലാണ് വാഹനത്തിന്റെ വിലയാരംഭിക്കുന്നത്. പുതു എസ് യു വിയുടെ ഡെലിവറി സ്വീകരിക്കുന്നതിനായി ബിജിബാലിനൊപ്പം മക്കളായ ദേവദത്തും ദയയുമുണ്ടായിരുന്നു.
ബിവൈഡിയുടെ ഇ–പ്ലാറ്റ്ഫോമിലാണ് വാഹനത്തിന്റെ നിർമാണം. രാജ്യാന്തര വിപണിയിൽ 49.92 kWh, 60.48 kWh എന്നിങ്ങനെ രണ്ടു ബാറ്ററി പാക്കുകളുണ്ടെങ്കിലും ഇന്ത്യയിൽ 60.48 kWh മാത്രമാണുള്ളത്. ഒറ്റചാർജിൽ 512 കിലോമീറ്ററാണ് എആർഎഐ സാക്ഷ്യപ്പെടുത്തിയ ഇന്ധനക്ഷമത. കൂടുതൽ സുരക്ഷിതമായ ബ്ലേഡ് ബാറ്ററി സാങ്കേതികവിദ്യയാണ് ആറ്റോ 3യിൽ ഉള്ളത്. 240 ബിഎച്ച്പി കരുത്തും 310 എൻഎം ടോർക്കും നൽകുന്ന പെർമനന്റ് മാഗ്നെറ്റ് സിങ്ക്രനസ് മോട്ടറാണ്. 1,680–1,750 കിലോഗ്രാം ഭാരമുള്ള ഈ എസ്യുവി 7.3 സെക്കൻഡ് കൊണ്ട് 0–100കിമീ വേഗത്തിലെത്തും. രണ്ടു ബാറ്ററി പായ്ക്കുകളുണ്ടാകും. ടൈപ് 2 എസി എന്നിവയാണ് ചാർജിങ് ഓപ്ഷനുകൾ. 80 kW ഡിസി ഫാസ്റ്റ് ചാർജർ വഴി 50 മിനിറ്റിൽ ബാറ്ററി 80 ശതമാനം വരെ ചാർജ് ചെയ്യാനും കഴിയും. ടൈപ് 2 എസി ചാർജർ ഉപയോഗിച്ചാൽ 10 മണിക്കൂറില് പൂർണമായും ചാർജ് ചെയ്യാം.
എൽഇഡി ഹെഡ്ലാംപ്, 18 ഇഞ്ച് അലോയ് വീൽ, പാനോരമിക് സൺറൂഫ്, പവർ അസിസ്റ്റ് മുൻ സീറ്റുകൾ, ഡിജിറ്റൽ മീറ്റർ കൺസോൾ, വിവിധ ആംഗിളിൽ തിരിക്കാവുന്ന 12.8 ഇഞ്ച് ടച്ച്സ്ക്രീൻ ഇൻഫൊടെയ്ൻമെന്റ് സിസ്റ്റം, പനോരമിക് സൺറൂഫ്, വയർലെസ് ചാർജർ, എൽഇഡി ടെയിൽ ലാംപ്, പിഎം 2.5 എയർ ഫിൽറ്റർ, ഇലക്ട്രിക് ടെയിൽ ഗേറ്റ്, ആംബിയന്റ് ലൈറ്റിങ്, ആപ്പിൾ കാർ പ്ലെ, ആൻഡ്രോയിഡ് ഓട്ടോ എന്നീ ഫീച്ചറുകളുണ്ട്. സുരക്ഷയിലും ഒരുപടി മുന്നിലാണ് ആറ്റോ. 7 എയർബാഗുകൾ, ഇലക്ട്രോണിക് സ്റ്റെബിലിറ്റി പ്രോഗ്രാം (ഇഎസ്പി), ഹിൽ ഡിസെന്റ് കൺട്രോൾ, 360 ഡിഗ്രി ക്യാമറ, ടയർ പ്രഷർ മോണിറ്റർ, റഡാർ അടിസ്ഥാനമാക്കിയുള്ള അഡ്വാൻസ്ഡ് ഡ്രൈവർ അസിസ്റ്റ് സിസ്റ്റം (എഡിഎസ്), ഫുള്ളി അഡാപ്റ്റീവ് ക്രൂസ് കൺട്രോൾ, ഓട്ടോണമസ് എമർജൻസി ബ്രേക്കിങ്, കൊളീഷൻ വാണിങ്, ബ്ലൈൻഡ് സ്പോർട്ട് വാണിങ് ഇങ്ങനെ ഒട്ടേറെ സുരക്ഷാസംവിധാനങ്ങളുണ്ട് ആറ്റോ 3 യിൽ.
