ഇന്ന് യുഎഇ സായുധസേനാ ഏകീകരണ ദിനം
Tue, 06 May 2025
പോഷകങ്ങളുടെ ഒരു കലവറ തന്നെയാണ് ഈന്തപ്പഴം. ഫൈബർ, പ്രോട്ടീൻ, വിറ്റാമിൻ തുടങ്ങിയവയെല്ലാം ഇതിൽ ധാരാളമായി അടങ്ങിയിരിക്കുന്നു. പല രോഗങ്ങളെ അകറ്റി നിർത്താനും ഈന്തപ്പഴം ഗുണകരമാണ്.
നല്ല മധുരമുള്ള ഈന്തപ്പഴം കഴിക്കാൻ ഇഷ്ടമില്ലാത്തവർ കുറവായിരിക്കും, അല്ലെ? അറേബ്യൻ രാജ്യങ്ങളിലെല്ലാം വളരെ പ്രചാരമുള്ള ഈ മധുരമൂറുന്ന പഴം വളരെയധികം ആരോഗ്യകരമാണ്. എപ്പോഴും ആപ്പിൾ, വാഴപ്പഴം, മുന്തിരിപ്പഴം, ഓറഞ്ച് എന്നിവയൊക്കെയാണ് നാം പതിവായി കഴിക്കാറുള്ളത്. എന്നാൽ ഈന്തപ്പഴം നൽകുന്ന ചില ഗുണങ്ങൾ അറിഞ്ഞാൽ ഇത് ഒരിക്കലും നിങ്ങൾ മാറ്റി നിർത്തില്ല.
ഈന്തപ്പഴം ധാരാളം പോഷകങ്ങളാൽ സമ്പന്നമാണ്, അത് നിങ്ങളെ നന്നായി ഉറങ്ങാനും രക്തത്തിലെ ഹീമോഗ്ലോബിൻ അളവ് ഉയർത്താനും സഹായിക്കും. നിങ്ങളുടെ ഭക്ഷണക്രമത്തിൽ ഈന്തപ്പഴം ഉൾപ്പെടുത്തി കഴിക്കുന്നതിന്റെ പ്രയോജനത്തെക്കുറിച്ച് പോഷകാഹാര വിദഗ്ധർ വളരെ മതിപ്പോടെയാണ് സംസാരിക്കാറുള്ളത്. ഈ മഴക്കാലത്ത് നിങ്ങൾക്ക് കഴിക്കാൻ കഴിയുന്ന ഏറ്റവും മികച്ച ഭക്ഷണമാണ് ഈന്തപ്പഴം.
