സൗരവൈദ്യുതി ഉല്‍പ്പാദനത്തില്‍ ലോകത്ത് ഒന്നാമതെത്താന്‍ യുഎഇ
Sat, 07 Nov 2026
വര്‍ഗ്ഗീയതയോടുള്ള ഒത്തുതീര്‍പ്പിനെതിരെയുള്ള വിധിയെഴുത്ത് അഡ്വ. ഹാരിസ് ബീരാന്‍ എംപി
കുവൈത്ത് സിറ്റി: സംഘ്പരിവാറിന്റെ വര്‍ഗ്ഗീയ അജണ്ഡയുമായി സിപിഎം നടത്തിയ ഒത്തുതീര്‍പ്പിനെതിരെയുള്ള കേരള ജനതയുടെ വിധിയെഴുത്താണ് തദ്ദേശ സ്വയംഭരണ സ്ഥാപനങ്ങളില്‍ നടന്ന തെരെഞ്ഞെടുപ്പിലുണ്ടായതെന്ന് അഡ്വ. ഹാരിസ് ബീരാന്‍ അഭിപ്രായപ്പെട്ടു. കുവൈത്ത് കെഎംസിസി സംസ്ഥാന കമ്മിറ്റി സംഘടിപ്പിച്ച വിജയാഹ്‌ളാദ സമ്മേളനത്തില്‍ സംസാരിക്കുകയായിരുന്നു അദ്ദേഹം. കുവൈത്ത് കെഎംസിസി സംസ്ഥാന പ്രസിഡന്റ് സയ്യിദ് നാസര്‍ അല്‍ മഷ്ഹൂര്‍ തങ്ങള്‍ അദ്ധ്യക്ഷത വഹിച്ചു. മുദ്രാവാക്യം വിളികളും പച്ച ലഡു വിതരണവുമായി കുവൈത്ത് കെഎംസിസി നേതാക്കളും നൂറുകണക്കിന് പ്രവര്‍ത്തകരും അഡ്വ. ഹാരിസ് ബീരാന്‍ എം.പിക്കൊപ്പം വിജയാഹ്‌ളാദത്തില്‍ പങ്കുകൊണ്ടു. അദ്ദേഹത്തിനുള്ള കുവൈത്ത് കെഎംസിസി ഉപഹാരം പ്രസിഡന്റ് കൈമാറി. ഡല്‍ഹി കെഎംസിസി ജനറല്‍ സെക്രട്ടറി മുഹമ്മദ് ഹലീം, കുവൈത്ത് കെഎംസിസി ഉപദേശക സമിതി ചെയര്‍മാന്‍ ടി. ടി സലീം, സംസ്ഥാന ഭാരവാഹികളായ റഊഫ് മഷ്ഹൂര്‍, ഇഖ്ബാല്‍ മാവിലാടം, ഫാറൂഖ് ഹമദാനി, ഉപദേശക സമിതി വൈസ് ചെയര്‍മാന്‍ ബഷീര്‍ ബാത്ത, സിദ്ധീഖ് വലിയകത്ത് എന്നിവര്‍ സംസാരിച്ചു. സെക്രട്ടറിമാരായ ഷാഹുല്‍ ബേപ്പൂര്‍ സ്വാഗതവും സലാം ചെട്ടിപ്പടി നന്ദിയും പറഞ്ഞു.
