സൗരവൈദ്യുതി ഉല്‍പ്പാദനത്തില്‍ ലോകത്ത് ഒന്നാമതെത്താന്‍ യുഎഇ
Sat, 07 Nov 2026
ദുബൈ: അജ്മാനില്‍ പ്രവര്‍ത്തിക്കുന്ന ഹൊറൈസണ്‍ യൂണിവേഴ്‌സിറ്റിയുടെ അംഗീകാരം യുഎഇ ഉന്നതവിദ്യാഭ്യാസശാസ്ത്ര ഗവേഷണ മന്ത്രാലയം (MoHESR) റദ്ദാക്കി. കടുത്ത അക്കാദമിക് നിയമലംഘനങ്ങള്‍ കണ്ടെത്തിയതിനെ തുടര്‍ന്നാണ് കോളേജിന്റെ ലൈസന്‍സും പ്രോഗ്രാം അംഗീകാരവും റദ്ദാക്കിയിട്ടുള്ളത്. വിദ്യാര്‍ത്ഥികളുടെ പഠനം തടസ്സപ്പെടാതിരിക്കാന്‍, അവരെ മറ്റ് അംഗീകൃത സ്ഥാപനങ്ങളിലേക്ക് മാറ്റാന്‍ പ്രത്യേക ടാസ്‌ക് ഫോഴ്‌സ് രൂപീകരിച്ചിട്ടുണ്ടെന്ന് അധികൃതര്‍ വ്യക്തമാക്കി. എല്ലാ അക്കാദമിക് നിര്‍ദ്ദേശങ്ങളും പ്രോഗ്രാം മാര്‍ക്കറ്റിംഗ്, പുതിയ പ്രവേശനങ്ങള്‍ എന്നിവ നിര്‍ത്തിവയ്ക്കാന്‍ മന്ത്രാലയം ഉത്തരവിട്ടു. വിദ്യാഭ്യാസ നിലവാരം, അക്കാദമിക് ഫല വിശ്വാസ്യത, സ്ഥാപന സുസ്ഥിരത, ഏറ്റവും പ്രധാനമായി വിദ്യാര്‍ത്ഥി അവകാശങ്ങള്‍ എന്നിവയില്‍ വീഴ്ച വരുത്തിയതായി മന്ത്രാലയം കണ്ടെത്തി. ഹൊറൈസണ്‍ യൂണിവേഴ്‌സിറ്റി കോളേജിന് ഇപ്പോള്‍ ഏതെങ്കിലും ഉന്നത വിദ്യാഭ്യാസ പ്രവര്‍ത്തനങ്ങള്‍ നടത്തുന്നതില്‍ നിന്ന് വിലക്കുണ്ട്. അതായത് എല്ലാ അക്കാദമിക് നിര്‍ദ്ദേശങ്ങള്‍, പ്രോഗ്രാം മാര്‍ക്കറ്റിംഗ്, പുതിയ പ്രവേശനം, യോഗ്യത നല്‍കല്‍, ട്രാന്‍സ്‌ക്രിപ്റ്റുകള്‍ നല്‍കല്‍ എന്നിവ പൂര്‍ണ്ണമായും നിര്‍ത്തിവച്ചതായി മന്ത്രാലയം ഒരു പത്രക്കുറിപ്പില്‍ പറഞ്ഞു. നിലവില്‍ അധ്യയനം നടത്തുന്ന വിദ്യാര്‍ത്ഥികളുടെ തുടര്‍പഠനങ്ങള്‍ക്കായി മന്ത്രാലയത്തില്‍ നിന്നുള്ള ഒരു പ്രതിനിധിയും കോളേജിലെ അംഗങ്ങളും മറ്റു പ്രധാന പങ്കാളികളും അധ്യക്ഷനായ സമിതി സമഗ്രമായ വിദ്യാര്‍ത്ഥി സംരക്ഷണ പദ്ധതിക്ക് മേല്‍നോട്ടം വഹിക്കും. തത്സമയ അപ്‌ഡേറ്റുകള്‍ക്കും മാര്‍ഗ്ഗനിര്‍ദ്ദേശങ്ങള്‍ക്കുമായി അതിന്റെ ഔദ്യോഗിക ചാനലുകള്‍ നിരീക്ഷിക്കാനും മന്ത്രാലയം ബാധിത വിദ്യാര്‍ത്ഥികളോടും അവരുടെ രക്ഷിതാക്കളോടും അഭ്യര്‍ത്ഥിച്ചു.
