സൗരവൈദ്യുതി ഉല്‍പ്പാദനത്തില്‍ ലോകത്ത് ഒന്നാമതെത്താന്‍ യുഎഇ
Sun, 08 Nov 2026
കോഴിക്കോട്: കാലിക്കറ്റ് സര്‍വകലാശാലാ സിന്‍ഡിക്കേറ്റിലെ വിവിധ സ്റ്റാന്‍ഡിംഗ് കമ്മിറ്റികളുടെ അധ്യക്ഷന്മാരായി യുഡിഎഫ് അംഗങ്ങളെ തെരഞ്ഞെടുത്തു. 2019 മുതല്‍ സിന്‍ഡിക്കേറ്റ് അംഗമായ പി. റഷീദ് അഹമ്മദിനെ പ്രോ വൈസ് ചാന്‍സലറായും നിയമിച്ചിട്ടുണ്ട്.
മലപ്പുറം കരുവാരക്കുണ്ട് കെ.ടി.എം കോളേജ് ഓഫ് അഡ്വാന്‍സ്ഡ് സ്റ്റഡീസിലെ അറബിക് പ്രൊഫസറായ റഷീദ് അഹമ്മദ് സര്‍വകലാശാലാ ജീവനക്കാരുടെ സ്റ്റാന്‍ഡിംഗ് കമ്മിറ്റി കണ്‍വീനര്‍ കൂടിയാണ്.
വിവിധ സമിതികളുടെ അധ്യക്ഷന്മാരായി
ടി.ജെ. മാര്‍ട്ടിന്‍: ധനകാര്യം,
സി.പി. ഹംസ: പ്ലാനിംഗ് ആന്‍ഡ് വര്‍ക്‌സ്,
ജെയ്‌സണ്‍ ജോസഫ്: അഫിലിയേറ്റഡ് കോളേജുകളിലെ ജീവനക്കാരുടെ സമിതി,
എ.കെ. ഷാഹിനാ മോള്‍: പരീക്ഷാ വിഭാഗം,
ടി.എം. വാസുദേവന്‍: കോഴ്‌സ് ആന്‍ഡ് റിസര്‍ച്ച്,
എ.ടി. അബ്ദുള്‍ ജബ്ബാര്‍: അഫിലിയേഷന്‍, പ്രസ് ആന്‍ഡ് പബ്ലിക്കേഷന്‍,
ലക്ഷ്മി ആര്‍. ചന്ദ്രന്‍: യൂണിവേഴ്‌സിറ്റി സെന്ററുകളും ചെയറുകളും,
പി. മധു: നിയമം, കായികം,
എം. അഹമ്മദ് കബീര്‍ (കബീര്‍ മുതുപറമ്പ്): വിദ്യാര്‍ത്ഥി ക്ഷേമം, ഓപ്പണ്‍ ആന്‍ഡ് ഡിസ്റ്റന്‍സ് ലേണിംഗ് എന്നിവരെ തെരഞ്ഞെടുത്തു.
കോഴിക്കോട്, വയനാട് ജില്ലകളിലെ ജില്ലാതല പരിശോധനാ സമിതിയുടെ അധ്യക്ഷനായും റഷീദ് അഹമ്മദ് പ്രവര്‍ത്തിക്കും. മലപ്പുറത്തെ സമിതിയുടെ ചുമതല അബ്ദുള്‍ ജബ്ബാറിനും, പാലക്കാടിന്റെ ചുമതല ലക്ഷ്മി ആര്‍. ചന്ദ്രനും, തൃശൂരിന്റെ ചുമതല ടി.ജെ. മാര്‍ട്ടിനുമായിരിക്കും.
ചലച്ചിത്ര സംവിധായകന്‍ സത്യന്‍ അന്തിക്കാടിനും വ്യവസായി പി.കെ. അഹമ്മദിനും ഓണററി ഡോക്ടര്‍ ഓഫ് ലെറ്റേഴ്‌സ് (ഡി.ലിറ്റ്) ബിരുദവും, ശാസ്ത്രജ്ഞന്‍ ഇ.ഡി. ജെമ്മിസിന് ഡോക്ടര്‍ ഓഫ് സയന്‍സ് (ഡി.എസ്‌സി) ബിരുദവും നല്‍കാനും സര്‍വകലാശാല തീരുമാനിച്ചു. വ്യാഴാഴ്ച മലപ്പുറം തേഞ്ഞിപ്പലത്തെ പ്രധാന കാമ്പസില്‍ ചേര്‍ന്ന യോഗത്തില്‍ സര്‍വകലാശാലാ സിന്‍ഡിക്കേറ്റാണ് ഈ നിര്‍ദേശം മുന്നോട്ടുവെച്ചത്. ഗവര്‍ണറും ചാന്‍സലറുമായ രാജേന്ദ്ര വിശ്വനാഥ് അര്‍ലേക്കറുടെ അനുമതിക്ക് വിധേയമായിട്ടായിരിക്കും ബിരുദദാനം നടക്കുകയെന്ന് വൈസ് ചാന്‍സലര്‍ പി. രവീന്ദ്രന്‍ പറഞ്ഞു. സംസ്‌കൃത വിഭാഗത്തില്‍ ഒരു ട്രാന്‍സ്‌വുമണിന് പിഎച്ച്ഡി പ്രവേശനം നല്‍കാനും സിന്‍ഡിക്കേറ്റ് തീരുമാനിച്ചിട്ടുണ്ട്. ഇതിനുപുറമെ, സര്‍വകലാശാലയുടെ പ്രസിദ്ധീകരണ വിഭാഗത്തെയും പ്രസ്സിനെയും കൂടുതല്‍ പ്രൊഫഷണലാക്കുന്നതിനായി ഒരു ‘ഡയറക്ടറേറ്റ് ഓഫ് പബ്ലിക്കേഷന്‍’ രൂപീകരിക്കാനും തീരുമാനമായി.
