സൗരവൈദ്യുതി ഉല്‍പ്പാദനത്തില്‍ ലോകത്ത് ഒന്നാമതെത്താന്‍ യുഎഇ
Sun, 08 Nov 2026
ന്യൂഡല്‍ഹി: മുഖ്യ തിരഞ്ഞെടുപ്പ് കമ്മിഷണര്‍ ഗ്യാനേഷ് കുമാര്‍ ഭരണകക്ഷിയായ ബിജെപിയുടെ താല്‍പര്യങ്ങള്‍ക്കനുസരിച്ച് പ്രവര്‍ത്തിക്കുന്നതായി കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. ചൊവ്വാഴ്ച ചേര്‍ന്ന കോണ്‍ഗ്രസ് പ്രവര്‍ത്തക സമിതി യോഗത്തിലാണ് ഖാര്‍ഗെ രൂക്ഷ വിമര്‍ശനം ഉന്നയിച്ചത്. ഗ്യാനേഷ് കുമാറിന് പദവിയില്‍ തുടരാന്‍ ധാര്‍മിക അവകാശമില്ലെന്നും അദ്ദേഹത്തെ ഉടന്‍ നീക്കണമെന്നും ഖാര്‍ഗെ ആവശ്യപ്പെട്ടു. പ്രധാനമന്ത്രി നരേന്ദ്ര മോദി തിരഞ്ഞെടുപ്പ് കമ്മിഷണറിന്മേല്‍ സമ്മര്‍ദം ചെലുത്തിയെന്ന ആക്ഷേപത്തിന്റെ അടിസ്ഥാനത്തില്‍ പ്രധാനമന്ത്രിയും ധാര്‍മിക ഉത്തരവാദിത്തം ഏറ്റെടുത്ത് രാജിവയ്ക്കണമെന്നും അദ്ദേഹം ആവശ്യപ്പെട്ടു.
ഖാര്‍ഗെ അഞ്ച് ആവശ്യങ്ങള്‍ ഉന്നയിച്ചു
വോട്ടര്‍പട്ടികയുടെ എസ്‌ഐആര്‍ നടപടികളുമായി ബന്ധപ്പെട്ടാണ് ഇപ്പോഴത്തെ രാഷ്ട്രീയ തര്‍ക്കം. തിരഞ്ഞെടുപ്പ് കമ്മിഷനിലെ രണ്ട് അംഗങ്ങളായ സുഖ്ബീര്‍ സിങ് സന്ധു, വിവേക് ജോഷി എന്നിവര്‍ എസ്‌ഐആര്‍ ഉള്‍പ്പെടെയുള്ള വിഷയങ്ങളില്‍ പലതവണ എതിര്‍പ്പുകള്‍ ഉന്നയിച്ചതായി റിപ്പോര്‍ട്ടുകള്‍ പുറത്തുവന്നിരുന്നു. എന്നാല്‍ അന്തിമ തീരുമാനങ്ങള്‍ മൂന്ന് കമ്മിഷണര്‍മാരും ഏകകണ്ഠമായാണ് അംഗീകരിച്ചതെന്ന് തിരഞ്ഞെടുപ്പ് കമ്മിഷന്‍ പിന്നീട് വ്യക്തമാക്കി. എന്നാല്‍ മുഖ്യതിരഞ്ഞെടുപ്പ് കമ്മീഷണര്‍ക്കെതിരെ രാജ്യവ്യാപകമായി പ്രതിഷേധം ഉയര്‍ന്നിരിക്കുകയാണ്. രാജിവെക്കണമെന്ന ആവശ്യവും ശക്തിപ്പെട്ട് വരികയാണ്.
