അല്‍ ഐന്‍ അന്താരാഷ്ട്ര വിമാനത്താവളം ഇനി തഹ്നൂന്‍ ഇന്റര്‍നാഷണല്‍ എയര്‍പോര്‍ട്ട്
Sun, 11 Oct 2026
ദുബൈ: സൗദി അറേബ്യയിലെ വിമാനത്താവളങ്ങളിലുണ്ടായ ആക്രമണത്തിന് പിന്നാലെ യുഎഇക്കും റിയാദിനുമിടയിലുള്ള നിരവധി വിമാന സര്‍വീസുകള്‍ റദ്ദാക്കി. യുഎഇയിലെ പ്രമുഖ വിമാനക്കമ്പനികളായ എമിറേറ്റ്‌സ്, ഇത്തിഹാദ് എയര്‍വേസ്, ഫ്‌ളൈ ദുബൈ, എയര്‍ അറേബ്യ എന്നിവ ദുബൈ, അബുദാബി, ഷാര്‍ജ എന്നിവിടങ്ങളില്‍ നിന്ന് റിയാദിലേക്കും തിരിച്ചുമുള്ള ശനിയാഴ്ചത്തെ വിമാന സര്‍വീസുകള്‍ റദ്ദാക്കിയതായി അറിയിച്ചു. റിയാദിന് പുറമെ അബഹ, യാന്‍ബു എന്നിവിടങ്ങളിലേക്കുള്ള ചില ഫ്‌ളൈ ദുബൈ, എയര്‍ അറേബ്യ സര്‍വീസുകളെയും ഇത് ബാധിച്ചിട്ടുണ്ട്.
വിവിധ വിമാനക്കമ്പനികള്‍ പുറത്തുവിട്ട വിവരങ്ങള്‍ താഴെ പറയുന്നവയാണ്:
1. ഇത്തിഹാദ് എയര്‍വേസ് (Etihad Airways):
റിയാദ് വിമാനത്താവളത്തിലെ തടസ്സങ്ങള്‍ കാരണം അബുദാബിക്കും റിയാദിനുമിടയിലുള്ള താഴെ പറയുന്ന സര്‍വീസുകള്‍ റദ്ദാക്കി:
അബുദാബി – റിയാദ്: EY551, EY555
റിയാദ് – അബുദാബി: EY552, EY556
(അതേസമയം EY559, EY560 എന്നീ സര്‍വീസുകള്‍ മുന്‍ നിശ്ചയിച്ച പ്രകാരം സര്‍വീസ് നടത്തുമെന്നും, മാറ്റങ്ങള്‍ തത്സമയം വെബ്സൈറ്റ് വഴി അറിയണമെന്നും കമ്പനി അറിയിച്ചു).
2. എമിറേറ്റ്‌സ് (Emirates):
ദുബൈ-റിയാദ് റൂട്ടില്‍ വെള്ളിയാഴ്ചയും ശനിയാഴ്ചയുമായി നിരവധി സര്‍വീസുകള്‍ എമിറേറ്റ്‌സ് റദ്ദാക്കി.
ദുബൈ- റിയാദ്: EK815, EK819
റിയാദ് – ദുബൈ: EK816, EK818, EK820
(ബാധിക്കപ്പെട്ട യാത്രക്കാര്‍ക്ക് മറ്റ് വിമാനങ്ങളില്‍ റീബുക്കിംഗ് സൗകര്യം ഒരുക്കുന്നുണ്ടെന്ന് കമ്പനി വ്യക്തമാക്കി).
3. ഫ്‌ലൈദുബായ് (flydubai):
ശനിയാഴ്ച വരെ റിയാദ്, യാന്‍ബു എന്നിവിടങ്ങളിലേക്കുള്ള സര്‍വീസുകളും ഞായറാഴ്ച വരെ അബഹയിലേക്കുള്ള സര്‍വീസുകളും തടസ്സപ്പെടും.
ദുബൈ – റിയാദ്: FZ847, FZ841, FZ855
റിയാദ് – ദുബൈ: FZ848, FZ842, FZ856
ദുബൈ – അബഹ: FZ815, FZ811
അബഹ – ദുബൈ: FZ816, FZ812
ദുബൈ – യാന്‍ബു: FZ817 / യാന്‍ബു – ദുബൈ: FZ818
4. എയര്‍ അറേബ്യ (Air Arabia):
ഷാര്‍ജയില്‍ നിന്നുള്ള താഴെ പറയുന്ന സര്‍വീസുകള്‍ ശനിയാഴ്ച റദ്ദാക്കി:
ഷാര്‍ജ – റിയാദ്: G9151, G9154
റിയാദ് – ഷാര്‍ജ: G9152, G9155
ഷാര്‍ജ – അബഹ: G9195 / അബഹ – ഷാര്‍ജ: G9196
യുഎഇക്കും സൗദി അറേബ്യയ്ക്കുമിടയില്‍ യാത്ര ചെയ്യുന്നവര്‍ എയര്‍പോര്‍ട്ടിലേക്ക് പുറപ്പെടുന്നതിന് മുന്‍പായി വിമാനക്കമ്പനികളുടെ ഔദ്യോഗിക വെബ്സൈറ്റ് വഴിയോ ആപ്പ് വഴിയോ തങ്ങളുടെ ടിക്കറ്റ് സ്റ്റാറ്റസ് ഉറപ്പുവരുത്തണമെന്ന് അധികൃതര്‍ നിര്‍ദ്ദേശിച്ചു. ടിക്കറ്റ് തുക തിരികെ ലഭിക്കുന്നതിനും യാത്രാ തീയതി മാറ്റുന്നതിനും ബന്ധപ്പെട്ട എയര്‍ലൈനുമായോ ട്രാവല്‍ ഏജന്റുമായോ ബന്ധപ്പെടാവുന്നതാണ്.
