സൗരവൈദ്യുതി ഉല്‍പ്പാദനത്തില്‍ ലോകത്ത് ഒന്നാമതെത്താന്‍ യുഎഇ
Sun, 08 Nov 2026
മുംബൈ: ബോളിവുഡ് നടന്‍ ടൈഗര്‍ ഷ്രോഫിന് നേരെ ഉണ്ടായ വെടിവെപ്പില്‍ കൂടുതല്‍ വിവരങ്ങള്‍ പുറത്ത്. ബോളിവുഡ് സൂപ്പര്‍താരം സല്‍മാന്‍ ഖാന്‍ ആയിരുന്നു അക്രമികളുടെ യഥാര്‍ത്ഥ ലക്ഷ്യമെന്നും, കനത്ത പോലീസ് സുരക്ഷ കാരണം ലക്ഷ്യം സാധിക്കാതെ വന്നതോടെയാണ് ടൈഗര്‍ ഷ്രോഫിനെ ആക്രമിക്കാന്‍ പദ്ധതിയിട്ടതെന്നും പ്രതികള്‍ പോലീസിനോട് പറഞ്ഞു.
ലോറന്‍സ് ബിഷ്‌ണോയ് സംഘത്തിന്റെ നിര്‍ദ്ദേശപ്രകാരമാണ് പ്രതികള്‍ ആക്രമണം ആസൂത്രണം ചെയ്തത്. സല്‍മാന്‍ ഖാന്റെ വസതിക്ക് സമീപം പ്രതികള്‍ നിരീക്ഷണം നടത്തിയിരുന്നെങ്കിലും, ശക്തമായ പോലീസ് സുരക്ഷ കാരണം പദ്ധതി മാറ്റി. ടൈഗറിനെ ആക്രമിച്ചതിലൂടെ ബോംബെയിലെ സിനിമാമേഖലയില്‍ ഭീതി പരത്താനും സല്‍മാന്‍ ഖാനുമായി ബന്ധപ്പെട്ട് പ്രവര്‍ത്തിക്കുന്നവര്‍ക്ക് മുന്നറിയിപ്പ് നല്‍കാനുമാണ് സംഘം ലക്ഷ്യമിട്ടത്.
കേസുമായി ബന്ധപ്പെട്ട് ഹരിയാന, ബിഹാര്‍ സ്വദേശികളായ മൂന്ന് പ്രതികളെ രാജസ്ഥാനിലെ കോട്ട റെയില്‍വേ സ്റ്റേഷനില്‍ വെച്ച് മുംബൈ പോലീസും രാജസ്ഥാന്‍ ആന്റി ഗാംഗ്സ്റ്റര്‍ ടാസ്‌ക് ഫോഴ്സും ചേര്‍ന്ന് അറസ്റ്റ് ചെയ്തിരുന്നു. പ്രതികളെ വിശദമായി ചോദ്യം ചെയ്തുവരുകയാണെന്നും കൂടുതല്‍ വിവരങ്ങള്‍ ഉടന്‍ പുറത്തുവരുമെന്നും പോലീസ് അറിയിച്ചു.
കഴിഞ്ഞ ഞായറാഴ്ച വൈകുന്നേരമാണ് മുംബൈ ജുഹുവിലെ ഒരു സ്‌പോര്‍ട്‌സ് ക്ലബ്ബിന് പുറത്തുവെച്ച് ടൈഗര്‍ ഷ്രോഫിന്റെ വാഹനത്തിന് നേരെ വെടിയുതിര്‍ത്തത്. സംഭവത്തില്‍ നടന്റെ ഡ്രൈവര്‍ക്കും മറ്റൊരാള്‍ക്കും പരിക്കേറ്റിരുന്നു. ടൈഗര്‍ ഷ്രോഫ് പരിക്കുകളില്ലാതെ രക്ഷപ്പെടുകയായിരുന്നു.
