ദുബൈ-ഷാര്ജ ഗതാഗതക്കുരുക്കിന് പരിഹാരം; റോഡുകള് നവീകരിക്കും
Sun, 12 Jul 2026
മൃതദേഹങ്ങൾ നിലമ്പൂർ ജില്ലാ ആശുപത്രിയിലേക്ക് എത്തുന്ന കാഴ്ച കണ്ണു നിറക്കുന്നതായി മാറി. 2019 ലെ കവളപ്പാറ ദുരന്തത്തിൻ്റെ ഞെട്ടൽ മറും മുൻപ് പോത്തുകൽ നിവാസികൾ വീണ്ടും കണ്ണീർ കടലിലായി.
വയനാടിൻ്റെ നെഞ്ചു പിളർന്നുണ്ടായ ഉരുൾപൊട്ടലിൽ മരണസംഖ്യ കുത്തനെ ഉയരുന്നു. വയനാട്, മലപ്പുറം ജില്ലകളിലെ വിവിധ ഇടങ്ങളിൽ നിന്നായി 90ലധികം മൃതദേഹങ്ങളാണ് ഇതുവരെ കണ്ടെത്തിയത്. മരണസംഖ്യ ഇനിയും ഉയരാണ് സാധ്യത. നിരവധി പേർ മണ്ണിനടിയിലാണ്. ഇതിനിടെ ഇന്ന് ഉച്ചക്ക് മേഖലയിൽ വീണ്ടും മലവെള്ളപ്പാച്ചിൽ ഉണ്ടായി. ഉരുൾപൊട്ടൽ തന്നെയാണെന്നാണ് സംശയം.
വയനാട് ചൂരൽമല, മുണ്ടക്കയം ഭാഗങ്ങളുണ്ടായ ശക്തമായ ഉരുൾപൊട്ടലിൻ്റെ വ്യാപ്തി ഇനിയും കണക്കാക്കാൻ സാധിച്ചിട്ടില്ല. എൺപതോളം പേരുടെ മൃതദേഹങ്ങളാണ് വിവിധ സ്ഥലങ്ങളിൽ നിന്നായി ലഭിച്ചത്. പല മൃതദേഹങ്ങളും ചിന്നിച്ചിതറിയ അവസ്ഥയിലാണ്. കിലോമീറ്ററുകൾക്കിപ്പുറം മലപ്പുറം ജില്ലയിലെ നിലമ്പൂർ പോത്തുകൽ മേഖലയിൽ നിന്ന് തന്നെ ഇരുപത്തഞ്ചിലേറെ മൃതദേഹങ്ങൾ കണ്ടെത്തിയെന്നത് ദുരന്തത്തിന്റെ വ്യാപ്തി മനസ്സിലാക്കാവുന്നതാണ്. മൃതദേഹങ്ങൾ ചാലിയാറിൻ്റെ വിവിധ കടവുകളിൽ നിന്നാണ് ലഭിച്ചുകൊണ്ടിരിക്കുന്നത്.
ഒട്ടേറെപ്പേർ മണ്ണിനടിയിലാണ്. അൻപതിലധികം വീടുകൾ പൂർണ്ണമായും തകർന്ന് ഒഴുകിപ്പോയെന്നാണ് വിവരം. നിരവധി പേരെ കാണാതായിട്ടുണ്ട്. നൂറുകണക്കിന് മനുഷ്യർ മേഖലയിലെ കുന്നിന്മുകളിലും, റിസോർട്ടിലും, മദ്രസയിലുമായി കുടുങ്ങിക്കിടക്കുകയാണ്. പരിക്കേറ്റ നിരവധി പേർ പ്രഥമ ശ്രുശ്രൂഷ പോലും ലഭിക്കാതെ രക്ഷാ പ്രവർത്തകരെ കാത്തു നിൽക്കുകയാണ്. പോലീസ്, അഗ്നിരക്ഷാ സേന, സംസ്ഥാന – ദേശീയ ദുരന്ത നിവാരണ സേനകൾ, കര, വ്യോമ, നാവിക സേനകൾ ഉൾപ്പെടെ ദുരന്ത സ്ഥലത്ത് എത്തിയിട്ടുണ്ടെങ്കിലും രക്ഷാ പ്രവർത്തനം ദുഷ്കരമായിരിക്കുകാണ്. റോഡുകളും, പാലങ്ങളും തകർന്നതും, പുഴകളിലൂടെയും മറ്റും വെള്ളം കുത്തിയൊലിച്ചെത്തുന്നതുമാണ് രക്ഷാ ദൗത്യത്തിന് വെല്ലുവിളിയാവുന്നത്. ചൂരൽമലയിൽ നിന്ന് മുണ്ടക്കൈ ഭാഗത്തേക്കുള്ള പാലം ഒലിച്ചു പോയതിനാൽ അവിടേക്ക് എത്തിപ്പെടാൻ പ്രതിസന്ധി നേരിടുന്നുണ്ട്. സേനയുടെ ഹെലികോപ്റ്ററുകൾ രക്ഷാ ദൗത്യത്തിന് എത്തിയെങ്കിലും, ദുരന്ത പ്രദേശത്ത് കോപ്റ്റർ പറത്താൻ പറ്റാത്ത സാഹചര്യമായിരുന്നു.
