സൗരവൈദ്യുതി ഉല്‍പ്പാദനത്തില്‍ ലോകത്ത് ഒന്നാമതെത്താന്‍ യുഎഇ
Sun, 08 Nov 2026
റാസല്‍ഖൈമ : അടിയന്തര സാഹചര്യങ്ങളില്‍ രക്ഷാപ്രവര്‍ത്തനത്തിന് 40 കിലോഗ്രാം ഭാരമുള്ള ഡ്രോണുകള്‍ പുറത്തിറക്കി റാസല്‍ഖൈമ പോലീസ്. പ്രകൃതി ദുരന്തസമയത്ത് ഉള്‍പ്പെടെ ഉപയോഗിക്കാവുന്ന ഡ്രോണുകളാണിവ. തല്‍സമയ ദൃശ്യങ്ങള്‍ പകര്‍ത്താനും മനുഷ്യ സഹായമെത്തിക്കാനും കഴിയുന്ന ഡ്രോണുകള്‍ നൂതന സാങ്കേതിക വിദ്യ ഉപയോഗിച്ചാണ് നിര്‍മ്മിച്ചിരിക്കുന്നത്. പോലീസ് സേനക്ക് എത്തിപ്പെടാന്‍ ബുദ്ധിമുട്ടുള്ള പ്രദേശങ്ങളില്‍ വേഗത്തില്‍ സഹായമെത്തിക്കാന്‍ ഡ്രോണുകള്‍ ഉപയോഗിക്കുമെന്ന് റാസല്‍ഖൈമ പോലീസ് കമാന്‍ഡര്‍ ഇന്‍ ചീഫ് മേജര്‍ ജനറല്‍ അലി അബ്ദുല്ല ബിന്‍ അല്‍വാന്‍ അല്‍ നുഐമി പറഞ്ഞു. അവശ്യസാധനങ്ങള്‍ നിര്‍ണായക നിമിഷങ്ങളില്‍ വേഗത്തില്‍ എത്തിക്കാന്‍ കഴിയുമെന്ന് ഉറപ്പാക്കും.
ഓട്ടോമാറ്റിക് വിഞ്ച് സംവിധാനം കൊണ്ട് സജ്ജീകരിച്ചിരിക്കുന്ന ഈ ഡ്രോണിന് പര്‍വതപ്രദേശങ്ങളിലും കടല്‍ത്തീരങ്ങളിലും പ്രഥമശുശ്രൂഷാ സാമഗ്രികള്‍ ഉള്‍പ്പെടെയുള്ള സാധനങ്ങള്‍ വിന്യസിക്കാന്‍ കഴിയും. വലിയ അപകടങ്ങളിലും പ്രകൃതിദുരന്തങ്ങളിലും ഇതിന്റെ രൂപകല്‍പന പ്രത്യേകിച്ചും ഉപയോഗപ്രദമാണ്. പ്രതിസന്ധി ഘട്ടങ്ങളില്‍ പെട്ടെന്നും ഫലപ്രദവുമായ പ്രതികരണം സാധ്യമാക്കുന്നു. കൂടാതെ, തത്സമയ ദൃശ്യങ്ങള്‍ പകര്‍ത്താനും വിവരങ്ങള്‍ നേരിട്ട് പ്രവര്‍ത്തന കേന്ദ്രങ്ങളിലേക്ക് കൈമാറാനും പ്രൊഫഷണല്‍ ക്യാമറകള്‍ വഹിക്കാന്‍ കഴിയും. സുരക്ഷ വര്‍ധിപ്പിക്കുന്നതിന്റെ ഭാഗമായി നിരവധി ഡ്രോണുകള്‍ യുഎഇ സുരക്ഷാ സേനയില്‍ ഉള്‍പ്പെടുത്തിയിട്ടുണ്ട്. ഡ്രോണുകള്‍ ആകാശത്ത് മുഴങ്ങുന്നത് ദുബൈ നിവാസികള്‍ ആദ്യം ശ്രദ്ധിച്ചത് ജൂലൈയില്‍ അത്യാഹിതങ്ങളോടുള്ള ദ്രുത പ്രതികരണം വര്‍ദ്ധിപ്പിക്കുന്നതിനായി ഡ്രോണുകള്‍ നടപ്പിലാക്കുമെന്ന് ദുബൈ പോലീസ് പ്രഖ്യാപിച്ചപ്പോഴാണ്. ഡ്രോണുകള്‍ ഉപയോഗിക്കുന്നതിലൂടെ, അപകട സ്ഥലങ്ങളിലേക്ക് വേഗത്തിലെത്താനും ഗതാഗതക്കുരുക്കും പ്രതികരണ സമയവും കുറയ്ക്കാനും കമാന്‍ഡ് സെന്ററിന് നിര്‍ണായക വിവരങ്ങള്‍ നല്‍കാനും അതോറിറ്റിക്ക് കഴിയും. നീല അടയാളങ്ങളിലൂടെ പൊലീസ് ഡ്രോണ്‍ ആണെന്ന് തിരിച്ചറിയാന്‍ കഴിയും.
