മസ്കത്തിലേക്കുള്ള വിമാന സര്വീസ് തുടരുമെന്ന് എയര് ഇന്ത്യാ എക്സ്പ്രസ്
Sat, 07 Mar 2026
Immunity Foods : ആരോഗ്യമുളള ശരീരത്തിന് ഏറ്റവും പ്രധാനമായ ഒന്നാണ് നല്ല പ്രതിരോധശേഷി ഉണ്ടായിരിക്കുക എന്നത്. ശരീരത്തില് അടങ്ങിയിരിക്കുന്ന ബാക്ടീരിയകളെയും വൈറസുകളെയും ഇല്ലാതാക്കാന് പ്രതിരോധശേഷി കൂടിയേ തീരൂ. എന്നാല് ചില കാര്യങ്ങള് നമ്മുടെ പ്രതിരോധശേഷി ഇല്ലാതാക്കിയേക്കാം. അത്തരത്തില് പ്രതിരോധശേഷി ദുര്ബലപ്പെടുത്തും
പഞ്ചസാര – പഞ്ചസാര അമിതമായി കഴിക്കുന്നത് രക്തത്തിലെ ശ്വേത രക്താണുക്കള് അഥവാ ഡബ്ലൂബിസിയെ (WBC) ദുര്ബലമാക്കാം. തന്മൂലം ബാക്ടീരിയകള്ക്കും വൈറസുകള്ക്കുമെതിരെ പോരാടാന് കഴിയാതെ വരികയും രോഗപ്രതിരോധ ശേഷി ദുര്ബലമാകുകയും ചെയ്യാം.
പ്രൊസസ്ഡ് ഫുഡ് – സംസ്കരിച്ച ഭക്ഷണങ്ങളില് സോഡിയത്തിന്റെ അളവ് വളരെ കൂടുതലാണ്. ഇതോടൊപ്പം ധാരാളം കൃത്രിമമായ പ്രിസര്വേറ്റീവുകളും അനാരോഗ്യകരമായ കൊഴുപ്പും ഇതില് അടങ്ങിയിട്ടുണ്ട്. ഇവ പ്രതിരോധശേഷിയെ ദോഷമായി ബാധിക്കാം.
മദ്യം- അമിതമായി മദ്യം കഴിക്കുന്നത് രോഗപ്രതിരോധ സംവിധാനത്തെ വളരെ മോശമായി ബാധിക്കും. ഇത് മൂലം പല തരത്തിലുള്ള അണുബാധകള് നേരിടേണ്ടിവരാം. അണുബാധയെ ചെറുക്കാനുള്ള ശരീരത്തിന്റെ കഴിവും ഇല്ലാതാകുകയോ കുറയുകയോ ചെയ്യാം.
വറുത്ത ഭക്ഷണങ്ങള്- വറുത്ത ഭക്ഷണങ്ങള് അമിതമായ അളവില് കഴിക്കുന്നത് ശരീരത്തിലെ ഓക്സിഡേറ്റീവ് സ്ട്രെസ്, വീക്കം എന്നിവയുടെ പ്രശ്നം വര്ദ്ധിപ്പിക്കുന്നു. കൂടാതെ, ഇവ രോഗപ്രതിരോധ സംവിധാനത്തിലും വളരെ മോശമായ സ്വാധീനം ചെലുത്തുന്നു.
കഫീന്റെ അമിതമായ ഉപഭോഗം- അമിതമായ അളവില് കഫീന് കഴിക്കുന്നത് ഉറക്കത്തെയും ശരീര ആരോഗ്യത്തെയും വളരെ മോശമായി ബാധിക്കും.
പ്രതിരോധശേഷി വര്ദ്ധിപ്പിക്കുന്നതിനുള്ള വഴികള്
മദ്യം, സിഗരറ്റ് എന്നിവയില് നിന്ന് അകലം പാലിക്കുന്നത് നിങ്ങളുടെ രോഗപ്രതിരോധ ശേഷി ശക്തിപ്പെടുത്തും. കൂടാതെ, ശരീരത്തില് ജലാംശം നിലനിര്ത്തുന്നതിലൂടെയും, ദിവസവും വ്യായാമം ചെയ്യുന്നതിലൂടെയും, ആവശ്യത്തിന് ഉറങ്ങുന്നതിലൂടെയും, സമീകൃതാഹാരം കഴിക്കുന്നതിലൂടെയും പ്രതിരോധശേഷി ശക്തിപ്പെടുത്താന് കഴിയും.
