കണ്ണൂര്‍ സ്വദേശി ഒമാനില്‍ മരണപെട്ടു
Tue, 01 Jul 2025
ദുബൈ : മദ്രസകള്‍ക്കെതിരെ കേന്ദ്ര ബാലാവകാശ കമ്മീഷന്‍ റിപ്പോര്‍ട്ട് മൗലികാവകാശ ലംഘനമാണെന്ന് കോട്ടക്കല്‍ മണ്ഡലം ദുബൈ കെഎംസിസി കമ്മിറ്റി അബുഹെയ്ല്‍ ഓഡിറ്റോറിയത്തില്‍ സംഘടിപ്പിച്ച ‘സ്റ്റെപ്പ് ടൂ 2025’ അഭിപ്രായപ്പെട്ടു. വസ്തുതകള്‍ക്ക് നിരക്കാത്ത പഠന റിപ്പോര്‍ട്ടുകള്‍ പടച്ചുണ്ടാക്കി ന്യൂന പക്ഷങ്ങളുടെ മതസ്വാതന്ത്ര്യത്തിനെതിരെയുള്ള നീക്കത്തി ല്‍ നിന്ന് അധികാരികള്‍ പിന്തിരിയണമെന്നും കോട്ടക്കല്‍ മണ്ഡലം കെഎംസിസി ആവശ്യപ്പെട്ടു. കെഎംസിസി ജില്ലാ പ്രസിഡന്റ് സിദ്ദിഖ് കാലൊടി ഉദ്ഘാടനം ചെയ്തു. മണ്ഡലം പ്രസിഡന്റ് ഇസ്മാഈല്‍ എറയസ്സന്‍ അധ്യക്ഷനായി. ഡോ.വിടി ഇഖ്ബാല്‍ ലീഡര്‍ഷിപ്പ് ട്രെയിനിങ്ങിന് നേതൃത്വം നല്‍കി. ജനറല്‍ സെക്രട്ടറി പി.ടി അഷറഫ് വിഷയാവതരണം നടത്തി. വിവിധ സബ്കമ്മിറ്റികള്‍ ഒരു വര്‍ഷത്തേക്കുള്ള കര്‍മപദ്ധതികള്‍ ആവിഷ്‌കരിച്ചു നടപ്പിലാകാന്‍ ക്യാമ്പ് തീരുമാനിച്ചു. നവംബര്‍ 10ന് ഖിസൈസ് അല്‍ സാദിഖ് ഇംഗ്ലീഷ് സ്‌കൂള്‍ ഗ്രൗണ്ടില്‍ മണ്ഡലത്തിലെ പഞ്ചായത്ത് മുനിസിപ്പല്‍ ടീമുകള്‍ മാറ്റൊരുക്കുന്ന കിക്കോഫിന്റെ ബ്രോഷര്‍ പ്രകാശനം എംഎസ്എഫ് സംസ്ഥാന പ്രസിഡന്റ് പികെ നവാസ് നിര്‍വഹിച്ചു. കുട്ടികളുടെ വിവിധ കലാപരിപാടികളും,ഫാന്‍സി ഗെയിമുകളും അടങ്ങുന്ന കിഡ്‌സ് ഫെസ്റ്റും ഫാമിലി മീറ്റും സംഘടിപ്പിക്കുമെന്നും ഭാരവാഹികള്‍ അറിയിച്ചു. നൗഫല്‍ വേങ്ങര,സി.വി അഷറഫ്,കെകെ നാസര്‍,പി.വി നാസിബുദ്ദീന്‍,മുജീബ് കോട്ടക്കല്‍,ഫക്രുദ്ദീന്‍ മാറാക്കര,ലത്തീഫ് കുറ്റിപ്പുറം,അലി കോട്ടക്കല്‍,റഷീദ് കാട്ടിപ്പെരുത്തി,സലാം ഇരിമ്പിളിയം,പി.വി ഷെരീഫ് കരേക്കാട്,മുസ്തഫ കുറ്റിപ്പുറം,ഷെരീഫ് എടയൂര്‍,കെ.കെ റാഷിദ് കോട്ടക്കല്‍,റസാഖ് വളാഞ്ചേരി,അഷറഫ് ഏടയൂര്‍ തുടങ്ങി പഞ്ചായത്ത്,മുനിസിപ്പല്‍ കമ്മിറ്റി ഭാരവാഹികളും പ്രവര്‍ത്തക സമിതി അംഗങ്ങളും പങ്കെടുത്തു. അബൂബക്കര്‍ തലകാപ്പ് സ്വാഗതവും അസീസ് വേളേരി നന്ദിയും പറഞ്ഞു.
