ശൈഖ് അഹമ്മദിന്റെ വിയോഗം: ലോകനേതാക്കളുടെ അനുശോചനം
Tue, 22 Sep 2026
ദുബൈ: അബുദാബി സായിദ് അന്താരാഷ്ട്ര വിമാനത്താവളത്തില് നിന്ന് എയര് ഇന്ത്യ എക്സ്പ്രസ് ഇന്ത്യയിലേക്ക് ഇനി നാല് പുതിയ നേരിട്ടുള്ള (Direct) സര്വീസുകള് നടത്തും. എയര് ഇന്ത്യ എക്സ്പ്രസ് ഇന്ത്യയിലേക്കുള്ള സര്വീസ് ശൃംഖല വിപുലീകരിച്ചതോടെയാണ് പുതിയ റൂട്ടുകള് പ്രഖ്യാപിച്ചത്.
നവി മുംബൈ, ഇന്ഡോര്, ലഖ്നൗ, കൂടാതെ വടക്കുകിഴക്കന് ഇന്ത്യയിലെ ഗുവാഹത്തിയിലേക്കുള്ള നേരിട്ടുള്ള സര്വീസ് ഓഗസ്റ്റ് 7 മുതല് ആരംഭിക്കും.
അബുദാബി എയര്പോര്ട്സ് സി.ഇ.ഒ അഹമ്മദ് ജുമ അല് ഷമിസി പറഞ്ഞു: പുതിയ സര്വീസുകള് സായിദ് അന്താരാഷ്ട്ര വിമാനത്താവളത്തിന്റെ ലക്ഷ്യസ്ഥാന ശൃംഖല വികസിപ്പിക്കാനുള്ള ശ്രമങ്ങളുടെ ഭാഗമാണെന്ന്. യുഎഇയും ഇന്ത്യയും തമ്മിലുള്ള വര്ധിച്ചുവരുന്ന യാത്രാവശ്യങ്ങള് നിറവേറ്റാനും അബുദാബിയുടെ ടൂറിസത്തിനും സാമ്പത്തിക വളര്ച്ചയ്ക്കും ഇത് സഹായിക്കുമെന്നും അദ്ദേഹം വ്യക്തമാക്കി. നിലവില് ഇത്തിഹാദ് എയര്വേയ്സ്, ഇന്ഡിഗോ, എയര് ഇന്ത്യ എക്സ്പ്രസ് തുടങ്ങിയ വിമാനക്കമ്പനികള് അബുദാബിയില് നിന്ന് മുംബൈ, ന്യൂഡല്ഹി, കൊച്ചി ഉള്പ്പെടെയുള്ള ഇന്ത്യന് നഗരങ്ങളിലേക്ക് ദിവസേന സര്വീസുകള് നടത്തുന്നുണ്ട്. 2026 ഓഗസ്റ്റില് ഇന്ത്യ-യുഎഇ റൂട്ടുകളില് കൂടുതല് പുതിയ സര്വീസുകള് ആരംഭിക്കുന്നതോടെ ഇരു രാജ്യങ്ങളും തമ്മിലുള്ള വ്യോമബന്ധം കൂടുതല് ശക്തമാകുമെന്നാണ് പ്രതീക്ഷ. ഇന്ത്യയും യുഎഇയും തമ്മില് എല്ലാ വിമാനക്കമ്പനികളുമായി ചേര്ന്ന് ഓരോ ആഴ്ചയും നൂറുകണക്കിന് സര്വീസുകളാണ് നടത്തുന്നത്.
